काठमाडौं- खाद्य वस्तुको सहज आपूर्ति गराउने गृह मन्त्रालयले जनाएको छ। नागरिकलाई आवश्यक पर्ने दैनिक उपभोग्य खाद्य वस्तुहरुको आपूर्ति व्यवस्थालाई सहज बनाउन गृहसचिव महेश्वर न्यौपानेज्यूको अध्यक्षतामा बिहीबार बसेको बैठकले यस्तो निणर्य गरेको हो।
बैठकले काठमाडौं उपत्यकाभित्रका अत्यावश्यक खाद्य वस्तुका सबै स्टोर एवम् बिक्रेताहरुले आआफ्ना डेलिभरी भ्यानमार्फत् आवश्यक दैनिक उपभोग्य वस्तुको सहज आपूर्ति व्यवस्था मिलाउने निर्णय गरेको छ।
यसरी उपभोग्य वस्तुको डेलिभरी गर्ने भ्यानहरुलाई जिल्ला प्रशासन कार्यालयमार्फत् पासको व्यवस्था मिलाउने उल्लेख गरिएको छ।
पसलहरु संचालन, माग संकलन र वितरण गर्ने कार्यमा आवश्यक पर्ने सुरक्षा व्यवस्थाको जिम्मा भने महानगरीय प्रहरी कार्यालय रानीपोखरीलाई दिइएको छ। उक्त कार्यालयमार्फत् उपत्यकाका तीन वटै जिल्लाका प्रहरीहरु सञ्चालन गरी सुरक्षा व्यवस्था मिलाइने छ।
त्यसैगरी माग संकलन र वितरण गर्ने कार्यलाई सहज र व्यवस्थित गर्नको लागि सबै स्टोर एवं विक्रेताहरुले आआफ्ना टोल फ्री-नम्बर वा अन्य नम्बर उपलब्ध गराई प्रचार प्रसार गर्ने व्यवस्था मिलाउन सकिने बैठकले निर्णय गरेको छ।
फोन, अनलाइन मार्फत माग संकलन गरी दैनिक उपभाग्य वस्तुहरुको बिक्री वितरण समेत गर्न सकिने जनाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769576758.png)
-1764146706.png)
