काठमाडौं- गृहमन्त्री रामबहादुर थापा बादलले प्रहरी महानिरीक्षक र नवनियुक्त एआइजीलाई निर्देशन दिँदै लकडाउन प्रभावकारी रुपमा कार्यान्वयन गर्न निर्देशन दिएका छन्।
बिहीबार गृहमन्त्रालयमा नवनियुक्त एआइजीहरुलाई बधाई दिँदै तथा सफल कार्यकालको शुभकामना दिँदै मन्त्री थापाले भने, ‘यो हाम्रो परीक्षाको घडी हो। लकडाउन प्रभावकारी रुपमा कार्यान्वयन गराउनुस्।’
मुलुक अहिले कोरोनाले उत्पन्न गरेको संकटमा रहेको र यसबेला सुरक्षा निकायको भूमिका थप महत्वपूूर्ण हुने भन्दै प्रभावकारी रुपमा काम गर्न मन्त्री थापाको निर्देशन थियो।
‘लकडाउन जनताकै स्वास्थ्यको लागि हो भन्ने सम्झाउनुहोस्, जनतालाई नम्र भएर यसको पालना गराउनुहोस्, जनतालाई कुनै समस्या भए तत्काल पुग्नुहोस्, कालाबजारीको अनुगमन बढाउनुहोस्, स्वास्थ्य संस्थाका गतिविधि पनि निगरानी बढाउनुहोस्‚’ मन्त्री थापाले भने।
गृहसचिव महेश्वर न्यौपानले पनि एआइजीहरुलाई बधाई तथा सफल कार्यकालको शुभकामना दिँदै जनअपेक्षा अनुरुपको काम गर्न निर्देशन दिएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1782224905-1782225890.jpeg)
