काठमाडौं - सरकारले एक साताका लागि लकडाउन गरेसँगै विभिन्न स्थानमा अलपत्र परेका पर्यटक उद्धारका लागि उडान अनुमति माग्ने हेलिकोप्टको संख्या बढेको छ।
नेपाल नागरिक उड्डयन प्राधिकरणका महानिर्देशक राजन पोखरेलका अनुसार अहिले दर्जन भन्दा बढी उडानका लागि अनुमति माग भएको छ। अनुमति मागे पनि प्राधिकरणले लकडाउनको समयमा मुभमेन्ट बढी नहोस भनेर अत्यावश्यक उडानका लागि मात्रै अनुमति दिएको जनाकारी दिए।
सरकारले लकडाउन गरेसँगै स्पेशल उडान अनुमति लिएर मात्रै उडान गर्नुपर्ने हुन्छ। स्पेशल उडान अनुमतिका लागि गृह मन्त्रालय र विदेशीको हकमा पराराष्ट्रको समेत सिफारिस आवश्यक पर्ने पोखरेल बताउँछन। पर्यटकसँग सरोकार राख्ने निकायहरुले पनि देशभरी गरी १ हजार भन्दा बढी पर्यटक अहिले अलपत्रमा परेका छन्।
त्यसमा पदयात्रा तथा हिमाल आरोहणका लागि पहिलै नै अनुमति दिएका र यात्रामा निस्केका ५ सयभन्दा बढी पर्यटक अलपत्रमा परेको पर्यटन विभागको भनाइ छ।
अलपत्रमा परेका १७ विदेशीलाई मात्रै सगरमाथा क्षेत्रबाट बुधबार र बिहीबार गरी मात्रै ५ वटा उडानबाट उद्धार गरिएको छ। जसमा सिम्रिक एयरले एउटा उडानबाट ५ जना र एयर डाइनेस्ट्रीले मात्रै बुधबार २ वटा उडानबाट १० जना र आज बिहीबार २ वटा उडानबाट २ जना विदेशी उद्धार गरेको वायु सेवा अपरेट संघका प्रवक्ता योगेन्द्रराज कडेँलले जानकारी दिए।
ट्रेकिङ एजेन्सिज एसोसिएसन अफ नेपाल (टान)का अनुसार सगरमाथा खुम्बु, अन्नपूर्ण, हुम्ला, डोल्पा, मनासलु क्षेत्रमा पनि पदयात्रामा गएका सयौँ पर्यटक अलपत्रका परको छन्। लकडाउन सुरु भएसँगै होटल तथा रेष्टुरा बन्द हुँदा कतिपय पर्यटकले खाना पनि राम्रोसँग नपाएको टानको भनाइ छ।
टानका अनुसार मनास्लु क्षेत्रमा ३० जना पर्यटक रोकिएका छ भने अन्नपूर्ण क्षेत्रमा पनि १ सय हाराहारी पर्यटक रोकिएको छन। त्यस्तै, हुम्ला र डोल्पामा पनि १५ देखि २५ जना पर्यटक रोकिएको हुन सक्ने टानको भनाइ छ।
यसैबीच सरकारले नेपालको विभिन्न भूभागमा रहेको विदेशी पर्यटकलाई त्रिभुवनन अन्तर्राष्ट्रिय विमानस्थलमा ल्याउँदै उनीहरुकै देश फर्काउने तयारी गरेको छ। कोरोना जोखिम न्यूनीकरण उच्चस्तरीय समितिको बुधबारको निर्णय पछि संस्कृति, पर्यटन तथा नागरिक उड्डयन मन्त्रालयले पनि आफू मातहतको निकायहरुलाई देभका विभिन्न ठाउँमा रहेको पर्यटकको खोजी गरी उद्धारको तयारी गर्ने निर्देशन दिएको छ।
यता नेपाल नागरिक उड्डनय प्राधिकरणले पनि लकडाउनको बेलामा मुभमेन्ट कम हुने गरी पर्यटक उद्धारको को लागि स्पेशल उडान अनुमति दिने तयारी गरेको छ। प्राधिकरणले अहिले गृह र पराराष्ट्र मन्त्रालयको रिफारिसमा विदशीको उद्धार गर्ने उडान अुनमति दिँदै आएको छ।
साथै प्राधिकरणले ठुला जहाज जान सक्ने ठाउँमा जहाजबाट र पहाडी क्षेत्रमा रहेको विदेशी नागरिक उद्धारका लागि हेलिकोप्टर उडानमा अनुमति दिने तयारी गरेको प्राधिकरण महानिर्देशक पोखरेलले जानकारी दिए।
अहिले लकडाउन भएसँगै पोखरामा पनि केही पर्यटक अलपत्रमा परेको सुनिन आएको संस्कृति, पर्यटन तथा नागरिक उड्डयन मन्त्रालयले जनाएको छ। अलपत्रमा परेको पर्यटकको उद्धारका लागि सरोकारवाला निकायसँग छलफल भइरहेको मन्त्रालयले जनाएको छ।
उच्चस्तरीय समितिले बुधबार मात्रै विभिन्न ठाउँका रहेको विदेही नागरिकलाई उनीहरुकै देश फर्काउने व्यवस्था मिलाउन संस्कृति, पर्यटन तथा नागरिक उड्डयन मन्त्रालयल, गृह मन्त्रालय र परराष्ट्र मन्त्रालयले निर्देशन दिएको थियो। समितिले त्रिभुवन अन्तर्राष्ट्रिय विमानस्थलमा ल्याएपछि पनि तत्काल उनीहरुलाई पर्काउन नसकेको अवस्थमा उनीहरुकै खर्चमा होटलमा राखेर व्यवस्थापन गर्न निदेशन दिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786360041.jpg)
-1786875772.jpg)
.JPG)
-1781580295.jpg)
-1786602170.png)
