काठमाडौं– अन्तर्राष्ट्रिय श्रम संगठन (आइएलओ)ले काेराेना भाइरस (कोभिड- १९)का कारण विश्वभरका २५ करोड श्रमिकहरुको रोजगारी गुम्ने प्रारम्भिक अनुमान गरेको छ। कोरोना भाइरस संक्रमणको प्रत्यक्ष प्रभाव विश्व श्रम बजारमा परेका कारण आइएलओले २५ करोड श्रमिकहरुको रोजगारी गुम्ने अनुमान गरेको हो।
यद्यपि, सन् २००८/२००९ को विश्वव्यापी वित्तीय संकटले निम्त्याएको बेरोजगारी समस्याका तुलनामा केही कमी हुने आइएलओले उल्लेख गरेको छ। सो वित्तीय संकटको अवधिमा पनि करोडौँ युवाहरुले रोजगारी गुमाएका थिए।
त्यस्तै विश्वमा लामो समयसम्म लाखौँ युवाहरु बेरोजगारी तिर धकेलिने आइएलओले जनाएको छ। अल्प बेरोजगारको संख्यासमेत बढी गरिबीको संख्यासमेत बढ्ने अुमान छ। विश्व श्रम बजारमा कोरोनाले पारेको प्रभावका सम्बन्धमा मनन गरी तत्काल प्रमुख कार्यस्थलमा कामदारहरुको सुरक्षा, अर्थव्यवस्था परिचालन, कामका लागि उत्प्रेरित गर्ने तथा पारिश्रमिक उपलब्ध गराउन सहयोग गर्न सके समस्या न्यूनिकरण गर्न सकिने सुझाव आइएलओको छ।
यस्तो अवस्थामा सामाजिक सुरक्षा विस्तार, रोजगारीका लागि समर्थन (जस्तै छोटाे समय काम, तलबी बिदा र अन्य सुविधाहरु) श्रमिकहरुलाई उपलब्ध गराउन आवश्यक रहेको आइएलओको धारणा छ। र सरकारले पनि लघु, साना तथा मध्यम उद्योग, व्यवसाय तथा रोजगारदाताहरुका लागि वित्तीय राहत कार्यक्रमअघि सार्नुपर्ने आइएलओको सुझाव छ।
अन्तर्राष्ट्रिय श्रम संगठन (आइएलओ)का डिरेक्टर जनरल (महानिर्देशक) गाय राइडरले भने, ‘यो विश्वव्यापी स्वास्थ्य संकटमात्र होइन, यो प्रमुख श्रम बजार र आर्थिक संकट पनि हो। जसले आम मानिसलाई ठूलो प्रभाव पारिरहेको छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
