काठमाडौं- जर्मन क्लब बायर्न म्युनिख र बोरुसिया डर्टमुन्डका खेलाडी र पदाधिकारी पाइरहेको तलब कम गर्न राजी भएका छन्। कोरोना भाइरस (कोभिड १९) कारण आर्थिक अवस्था कमजोर भइरहेकाले अरु कर्मचारीले समयमा तलब पाउन् भनेर आफूहरु तलब घटाउन राजी भएको खेलाडीको भनाइ छ।
बायर्न र डर्टमुन्ड मात्रै होइन जर्मनमा अरु क्लबहरुले पनि खेलाडीको तलब कम हुने सहमति गरिरहेका छन्। कुनै क्लबले भने खेलाडीको तलब ढिलो हुने बारेमा पनि कुराकानी गरिरहेका छन्।
बुन्डेसलिगामा नै ११औँ स्थानमा रहेको युनियन बर्लिनमा त खेलाडीहरुले अहिले तलब नपाउने नै घोषणा भइसकेको छ। युनियन बर्लिनका खेलाडीहरुले नै पनि अवस्थामा सुधार नहुँदासम्म आफूहरु तलब नलिने बताएका हुन्।
गएको हप्ता नै बोरुसिया मोन्चेनग्लाबाचले खेलाडीहरुको तलब कम गर्ने सहमति गरेपछि अन्य क्लबहरु पनि लागिपरेका हुन्।
बायर्न म्युनिखका खेलाडीको तलब २० प्रतिशत कम गरिने सहमति भएको छ भने बोरुसियाले कति कम गर्ने भन्ने खुलाएको छैन।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।