काठमाडौं– सरकारले मंगलबार बिहान ६ बजेदेखि सुरु गरेको ‘लकडाउन’का कारण काठमाडौंको सडक तथा गल्लीहरु सुनसान बनेको छ।
कोरोना भाइरस (कोभिड- १९) को संक्रमणबाट बच्न सरकारले देशव्यापी लकडाउन गरेसँगै राजधानीमा घरबाट निस्कनेको संख्या न्यून छ। काम विशेषले निस्किएका सर्वसाधारण बाटोमा फाट्टफुट्ट देखिएका छन्।
सडकमा अत्यावश्यक सवारी साधनहरु गुडेका छन्। एम्बुलेन्स, सुरक्षाकर्मीका साधन, दूध र पानीका गाडी सडकमा देखिन्छन्।
सडकका सबै चोकमा प्रहरीको उपस्थिति छ। आकस्मिक कामले निस्केका सर्वसाधारणहरुलाई प्रहरीले सोधपुछ गरेको छ। सडकमा खटिएका प्रहरीले सर्वसाधारणलाई घरबाट ननिस्कन आग्रह समेत गरेको छ।
सडकमा मोटरसाइकलहरु छिटफुट देखिएका छन्। अत्यावश्यक सेवा क्षेत्रका पसलहरु समेत खुलेका छैनन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1752206955.png)
-1752043710.jpg)
-1749826086.png)
