काेराेना काेषमा प्रधानमन्त्रीकाे सचिवालयमा कार्यरतले सहयोग रकम उपलब्ध गराउने

कोरोना अपडेट

नेपाल लाइभ सोमबार, चैत १०, २०७६ १५:२०

काठमाडौं– कोरोना भाइरसको संक्रमणविरुद्ध सरकारले स्थापना गरेको कोरोना कोषमा प्रधानमन्त्री केपी शर्मा ओलीको सचिवालयमा कार्यरतहरुले सहयोग रकम उपलब्ध गराउने भएका छन्। सचिवालयमा कार्यरत ६ जनाले एक महिना र ३ जनाले आधा महिनाको तलब कोषमा जम्मा गर्ने प्रधानमन्त्री ओलीको प्रेस संयोजक सूर्य थापाले जानकारी दिए।

एक महिनाको पारिश्रमिक बराबरको रकम उपलब्ध गराउनेमा प्रधानमन्त्रीका मुख्य सल्लाहकार विष्णु रिमाल, विदेश मामिला सल्लाहकार डा. राजन भट्टराई, प्रेस सल्लाहकार सूर्य थापा, आर्थिक विकास मामिला सल्लाहकार लालशंकर घिमिरे, प्रमुख स्वकीय सचिव इन्द्र भण्डारी, स्वकीय सचिव राजेश बज्राचार्य छन्।

प्रधानमन्त्रीको सचिवालयमै कार्यरत विकास पूर्वाधार विज्ञ गजेन्द्र थपलिया, संचार विज्ञ रामशरण बजगाईं, स्वकीय सहसचिव होमबहादुर थापाले आधा महिनाको पारिश्रमिक बराबरको रकम कोषमा जम्मा गर्ने भएका हुन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

धरहरा चढ्न विद्यार्थी, ज्येष्ठ नागरिक र अपांगता भएका व्यक्तिलाई ५० प्रतिशत छुट

मानव बेचबिखन गर्न लागेको आरोपमा एक जना पक्राउ

लामिछानेसहित १० जनाविरूद्ध चितवन जिल्ला अदालतबाट पक्राउ पुर्जी जारी