काठमाडौं– निजी हवाई सेवा प्रदायक कम्पनी बुद्ध एयरले कम्पनीसँग रहेको १३ वटा मध्ये ६ वटा जहाजकाे उडान बन्द गर्दै जगेडामा राख्ने जनाएकाे छ।
एयरलाइन्सले कर्मचारी र यात्रुको हितलाई मध्यजनर राख्दै १३ जहाजमध्ये ६ वटालाई बन्द गरी जगेडामा राख्न लागेको बुद्ध एयले आफ्नाे आधिकारीक फेसबुक पेजमार्फत् सूचना जारी गर्दै जनाकारी गराएकाे हाे। योसँगै विस्तारै अरू उडानहरू पनि कम गर्ने एयरलाइन्सले जनाएको छ।
साथै उडान सेवालाई नियमित सञ्चालन गर्न आवश्यक कर्मचारीलाई आलोपालो प्रणाली अपनाउने तथा बाँकीलाई तलबी बिदा दिई घरमै बस्नसमेत निर्देशन दिएको छ।
‘अबको परिस्थितिमा हामी सबै नेपाली ‘केही साता सुरक्षितसाथ घरमै बस्नुपर्छ। संक्रमित ठाउँबाट आएका व्यक्ति र उनीहरूसँग सम्पर्कमा आएकालाई कम्तिमा १४ दिन अलग्गै बस्न दिनुपर्छ। यसका लागि समाजका अगुवा, स्थानीय जनप्रतिनिधि (वडाध्यक्ष, सदस्य) अनिवार्य रुपमा अगाडी सर्नुपर्छ। कहिँ कसैमा कोभिड–१९ को शंका लागेमा वा लक्षण देखिएमा तुरुन्तै स्थानीय प्रशासनलाई खबर गरी सुरक्षितसाथ क्वारेन्टाइनमा बस्न लगाई हाल्नुपर्छ,' बुद्धले सार्वजनिक गरेको सूचनामा भनिएको छ, 'क्वारेन्टाइनमा बस्ने व्यक्तिको औषधिउपचार तथा खानपिनमा विशेष ध्यान दिनुपर्छ। आजको प्रमुख आवश्यकता हाम्रो सम्पूर्ण क्रियाकलापलाई तुरुन्त बन्द (लकडाउन) गरी घरमै सुरक्षित बस्नु हो, झण्डै कर्फ्यूजस्तै। पछि पछुताउनु भन्दा सहि समयमै सहि निर्णय गर्नुपर्छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
