काठमाडौं–लुटपाटका लागि काठमाडौंबाट मकवानपुर पुगेको एक प्रहरी टोली र पत्रकार पक्राउ परेका छन्।
पक्राउ पर्नेमा दरबारमार्गमा कार्यरत २६ वर्षीय प्रहरी सहायक निरीक्षक (असई) सुरेन्द्रबहादुर बसेल, दरबारमार्गमै कार्यरत प्रहरी जवानहरु वीरबहादुर बस्नेत र हेमाकान्त पुनमगर तथा पत्रकार भनिने सुजन आचार्य छन्।
राजन भनिने अर्का एक व्यक्ति भने फरार रहेको स्रोतले नेपाल लाइभलाई जानकारी दियो । उनीहरु पत्रकार भनिएका आचार्यकै योजनामा लुटपाटका लागि मकवानपुर पुगेका थिए। आचार्यको प्रदेश ३–०१ –०२२ च ३३ ६२ नम्बरको फोर्ड कम्पनीको गाडीमा चढेर लुट्ने योजनासहित उनीहरु मकवानपुर पुगेको प्रहरीको भनाइ छ।
उनीहरुले मकवानपुरको कैलाश गाउँपालिका–५ चौकीटार घर भएकी ७० वर्षीया धनलक्ष्मी गुरुङको घरमा लुटपाट गर्ने योजना बनाएको पाइएको प्रहरीले जनाएको छ। घटनाका विषयमा अनुसन्धान भइरहेको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1788274741.jpg)
-1786602170.png)
-1786513116.png)
