काठमाडौं- त्रिवि क्रिकेट मैदान कीर्तिपुर मैदानमा काम गर्ने कर्मचारी जयबहादुर तामाङ (सेते दाइ) लाई नेपाली क्रिकेट समर्थक समाज (एनसिएसएस)ले ५० हजार रुपैयाँ आर्थिक सहयोग गरेको छ।
मिर्गौला समस्याले वीर अस्पतालमा उपचार गरिरहेका तामाङलाई सहयोग गर्न ‘सेते दाइ सहयोग अभियान’ सञ्चालन गरी उठेको रकम उपलब्ध गराएको हो। एनसिएसएसले आइतबार वीर अस्पतालमा जय बहादुर तामाङको श्रीमती निरमाया तामाङलाई सहयोग रकम हस्तान्तरण गर्यो।
त्रिवि मैदानका कर्मचारी तामाङ गएको १२ दिनदेखि वीर अस्पतालमा उपचार गराइरहेका छन्। एनसिएसएसले त्यसबाहेक पनि ६ हजार ३ सय ५० रुपैयाँ उनको खातामा हालिदिएको र घोषणा भएको रकममा ३० हजार ९ सय ३० रुपैयाँ दाताबाट प्राप्त गर्न बाँकी रहेको जनाएको छ। बाँकी रकम शुक्रबार हस्तान्तरण गरिने एनसिएसएसले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
