काठमाडौं- अमेरिकामा ट्रयाक एण्ड फिल्ड एथ्लेटिक्स संघले जापानमा हुने ओलम्पिक खेलकुद सार्न आग्रह गरेको छ। कोरोना भाइरस (कोभिड–१९) संक्रमण फैँलदै गएकाले ठप्प रहेको विश्व खेलकुदको अवस्था विचार गर्दै ओलम्पिक सार्नुपर्ने उनीहरुको भनाइ छ।
संघले अमेरिकी ओलम्पिक र पाराओलम्पिक कमिटीलाई अन्तर्राष्ट्रिय ओलम्पिक कमिटीसँग कुराकानी गर्न आग्रह गरेको छ।
ओलम्पिक खेलकुद आउँदो जुलाई २४ देखि अगस्ट ९ सम्म जापानमा हुने तय छ। जसमा २ सय ५ भन्दा बढी देशका ११ हजार भन्दा बढी खेलाडी र लाखौँ दर्शक सामेल हुनेछन्।
अन्तर्राष्ट्रिय ओलम्पिक कमिटीले पनि तोकिएकै मितिमा खेल सञ्चालन गर्न सकिने बारे कुराकानी गरिरहेको छ। यस्तोामा विश्व एथ्लेटिक्सका प्रमुख लर्ड कोएले भनेका छन्- ‘हतारोमा कुनै पनि निर्णय गर्नु ठीक होइन, हामीसँग अझै समय छ। हरेक कुरा सम्भव छन्, विकल्प समय आएपछि खोज्न सकिन्छ।’
कोरोना भाइरसको संक्रमण फैलँदै गए पनि जापानमा हुने भनिएको ओलम्पिकलाई असर नगर्ने गरी काम गरिएको जापानका ओलम्पिक प्रमुख कार्यकारी तोसिरो मुटोले पनि बताएका थिए।
ओलम्पिकलाई कोरोनाले असर गर्ने विश्व खेलकुदमा चलिरहेको बहसपछि ओलम्पिक प्रमुख कार्यकारी तोसिरोले असर नगर्ने गरी काम गरिएको बताएका हुन्। गएको शनिबार जापानका प्रधानमन्त्री सिन्जो आबेले पनि ओलम्पिक तोकिएकै समयमा सम्पन्न हुने बताएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788849975.png)
-1788841501-1788847918.jpeg)
-1786602170.png)
-1786513116.png)
-1788425345.png)
