काठमाडौं- युभेन्टसका अर्जेन्टिनी फरवार्ड पाउलो डिबाला र इटालीका पूर्वकप्तान पाओलो मालदिनीलाई कोरोना भाइरस (कोभिड-१९) को संक्रमण देखिएको छ।
डिबालाले इन्स्टाग्राम र ट्वीटरमा नै आफूसहित प्रेमिका ओरियनालाई कोरोना भाइरसको संक्रमण भएको र अवस्था सामान्य भइरहेको जानकारी दिएका थिए।
यस्तै अहिले एसी मिलानमा टेक्निकल डाइरेक्टर रहेका माल्दिनी र उनका छोरा ड्यानियललाई पनि कोरोना संक्रमण भएको खुलेको हो।
यसअघि नै युभेन्टसका मिडफिल्डर ब्लेस माटुडी र सेन्टर ब्याक खेलाडी ड्यानियल रुगानीलाई कोरोना भाइरसको संक्रमण भएको खुलेको थियो।
कोरोना भाइरसको कारण खेल जगतमा असर थपिँदै गएको छ। लिग फुटबलदेखि सम्पूर्ण खेल गतिविधि ठप्प छन्। युरो कप, च्याम्पियन्स लिग जस्ता खेलहरु सरेका छन्। खेलाडीदेखि प्रशिक्षकसम्म सेल्फ क्वारेन्टाइनमा बसिरहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
