काठमाडाैं- श्री एयरलाइन्सले सरकारले तोकेको भन्दा कम भाडा लिएर सेवा दिने प्रतिबद्धता जनाएको छ। कोरोना भाइरसको सन्त्रासपछि काठमाडौं छाड्नेको लर्को लागेपछि श्री एयरलाइन्सले केही दिनका लािग सरकारले तोकेको दर भन्दा कम भाडा लिएर सेवा दिने जनाएको हाे।
काेराेनाकाे त्रासका कारण अहिले काठमाडौं छाड्ने यात्रुको सङ्ख्या बढेको छ। जसका कारण आन्तरिक एयरपोर्टमा पनि यात्रुको चाप छ। जति टिकट बिक्री हुँदै गयो, उति टिकटको मूल्य अटोमेटिक बढ्ने गर्छ। तर, श्रीले मेनुअल रुपमा टिकटको मूल्य घटाएको हो। अब काट्ने टिकटमा आगामी दुई दिन नयाँ भाडादर लागू हुने श्री एयरलाइन्सले जनाएको छ।
कोरोनको त्रास कारण काठमाडौंबाट बाहिर जाने यात्रुहरुको अत्यधिक चापलाई ध्यानमा राखी उडान सुचारु गरिरहेकाे श्रीले जनाएकाे छ। 'काठमाडाैं आउने यात्रुको सख्या अति कम भएका कारण काठमाडौं भन्दा बहिर जाने भाडा केहि बढी भएता पनि नेपाल सरकारले स्वीकृत गरेका भाडा दरको सीमाभित्रै रहेर भाडादरमा सेवा सुचारु गरिरहेको अगवत गराएका छौं,' श्रीले जारी गरेकाे विज्ञप्तिमा भनिएकाे छ।
सरकारले काठमाडौं भद्रपुरको ९ हजार तय गरेकाे छ। तर, श्रीले अधिकतम ७४ सयमै उडाउने जनाएको छ। त्यसैगरी, सरकारले तोकेकाे काठमाडौं विराटनगरको भाडा ७५ सय रुपैयाँ छ। तर, श्रीले अधिकतम ६१ सय रुपैयाँमै उडान गर्ने जनाएकाे छ।
त्यसैगरी, सरकारले नेपालगन्ज र धनगढीको भाडा क्रमशः ९८ सय र १२ हजार ५ सय रुपैयाँ तोकेकाेमा श्रीले अधिकतम ६२ सय र ७९ सय रुपैयमाँमा यात्रुलाई लैजान लागेकाे श्रीका प्रबन्धक अनिल मानन्धरले जानकारी दिए।
जनकपुरको भाडा ४२ सय रुपैयाँ रहेकाेमा अधिकतम ३३ सय रुपैयाँ, सिमरा ३ हजार रहेकाेमा सोही मूल्य कायम भएकाे श्रीले जनाएकाे छ।सरकारले काठमाडौं पोखराको भाडा ५ हजार तोकेकाेमा अधिकतम ३ हजार ७ रुपैयाँ, भैरहवा ६१ सय रुपैयाँ तोकेकाेमा अधिकतम ४९ सय रुपैयाँ निर्धारण गरिएकाे छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786360041.jpg)
-1786875772.jpg)
.JPG)
-1781580295.jpg)
-1786602170.png)
