काठमाडौं- स्पेनिस क्लब बार्सिलोनाले आफ्ना खेलाडीहरुलाई आर्थिक रुपमा क्लबलाई समस्या नपार्न केही सहयोग गरिदिन आग्रह गरेको छ। कोरोना भाइरस (कोभिड-१९) को संक्रमण बढ्दै जाँदा आर्थिक गतिविधिमा परेको असरमा खेलाडीमार्फत केही सहयोगको अपेक्षा क्लबले गरेको हो।
अहिले स्पेनिस ला लिगा र च्याम्पियन्स लिगका खेलहरु स्थगित रहेका बेला क्लबको कमाइको बाटोहरु पनि कमजोर बनेका छन्। यसैले क्लबले यो अवधिमा आफूहरु एक मिलियन युरोभन्दा बढी रकम घाटामा रहेको बताएको छ।
बार्सिलोनाको यो सिजनको बजेटमा ६१ मिलियन युरो नयाँ खेलाडी किन्दा र ५०७ मिलियन युरो खेलाडीको तलबमा खर्च भएको छ। यस्तै पुरानो ऋण तिर्नमा १३५ मिलियन युरो खर्च भएको छ। यसैले क्लबले खेलाडीहरुको तलबका सम्बन्धमा छलफल गर्दै केही सहयोग गरिदिन आग्रह गरेको हो। तलब ढिलो लिग्ने वा केही समयका लागि तलब कम गर्ने विषयमा छलफल भएको बताइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
-1791388337.png)
