काठमाडौं- इंग्लिस प्रिमियर लिग अप्रिल ३० तारिखसम्म स्थगित भएको छ।
फुटबल एसोसिएसनले विश्वमा महामारीको रुपमा फैलिएको कोरोना भाइरस (कोभिड–१९) को कारण अप्रिल ३० सम्मलाई इंग्लिस प्रिमियर लिग रोकेको जानकारी दिएको हो। प्रिमियर लिग मात्रै हैन इंग्ल्यान्डका इएफएल, वुमन्स सुपर लिग र वुमन्स च्याम्पियनसिप तथा स्कटल्यान्ड, वेल्स र उत्तरी आयरल्यान्डमा हुने सबै फुटबल गतिविधि बन्द भएको हो।
जुन १ सम्म प्रिमियर लिगको बाँकी खेल सकाउने फुटबल एसोसिएसनको तयारी छ।
प्रिमियर लिगको २९औं चरणका खेलहरु सकिएका छन्। शीर्ष स्थानमा रहेको लिभरपुलको २९ खेलबाट ८२ अंक छ। करिब उपाधि आफ्नै पोल्टामा पारी सकेको लिभरपुल तनाबमा भने छ। केही दिनअघि मात्रै च्याम्पियन्स लिगको उपाधि दौडबाट बाहिरिएको लिभरपुलका लागि प्रिमियर लिगको उपाधि पनि पक्का भइसकेको छैन।
कोरोना भाइरसको महामारी झनै फैलिए यो सिजनको बाँकी खेल नहुन पनि सक्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
