काठमाडौं- नेपाल पुनर्बीमा कम्पनीले निष्काशन गरेको प्राथमिक सेयरमा पहिलो दिनमै एक करोड ५९ लाख कित्ताको लागि आवदेन परेको छ। मंगलबारदेखि निष्काशन भएको आइपिओमा पहिलो दिनमै माग गरिएको भन्दा बढिको लागि आवदेन परेको हो।
कम्पनीले सर्वसाधारणको लागि एक करोड ५१ लाख कित्ता प्राथमिक सेयर निष्काशन गरेको छ। पहिलो दिनमै एक लाख २८ हजारले आवदेन दिएका छन्। कम्पनीले सामूहिक लगानी कोषका लागि ८ लाख कित्ता र कर्मचारीकहरुको लागि ७३ हजार ५०० कित्ता प्राथमिक सेयर निष्काशन भएको हो।
कम्पनीले छिटोमा चैत ७ गतेसम्म निष्काशन गर्ने छ। सर्वसाधारणले आस्वा सुविधा प्रदान गर्ने सम्पूर्ण बैंक तथा वित्तीय संस्थाहरुबाट आवेदन दिन सक्ने छन्। मेरो सेयरमा खाता हुनेहरुले अनलाइनबाट आफैं आवेदन दिन सक्ने धितोपत्र निष्काशन तथा बिक्री प्रबन्धक आरविवि मर्चेन्ट बैंकिङले जनाएको छ।
आवेदकले न्यूनतम १० कित्ता र अधिकतम १० हजार कित्तासम्मको लागि आवेदन दिनसक्ने छन्। न्यूनतम एक हजार रुपैयाँको आवदेन दिन पाइन्छ। प्राथमिक सेयर निष्काशनपछि कम्पनीको चुक्ता पुँजी १० अर्ब रुपैयाँ पुग्ने छ। प्राथमिक सेयर निष्काशनसँगै नेपाल सरकारको सेयर स्वामित्व ४४.०३ प्रतिशत, बीमा तथा अन्य संस्थाहरुको ३९.९६ प्रतिशत र सर्वसाधारणको १६ प्रतिशत कायम हुनेछ।
नेपाल पुनर्बीमा कम्पनी एकमात्रै पुनर्बीमा कम्पनी हो। यसले नेपाली बीमा कम्पनी तथा विदेशी बीमा कम्पनीको पुनर्बीमाको दायित्व लिँदै आएको छ। प्राथमिक सेयरका लागि गरिएको क्रेडिट रेटिङअनुसार सुरक्षित रेटिङ जनाउने इक्रा एनपि आइपिओ ग्रेड दुई प्राप्त गरेको छ। यो सबैभन्दा सुरक्षित रेटिङ हो।
हाल कम्पनी प्रतिसेयर आम्दानी ११ रुपैयाँ छ। प्राथमिक सेयर निष्काशनपछि पनि कम्पनीले प्रतिसेयर आम्दानी सुधार हुने प्रक्षेपण गरेको छ।
कति कित्तासम्मको लागि आवदेन दिने?
अहिलेसम्मको इतिहासमा सबैभन्दा धेरै तीन लाख ४६ हजार जनाले आवेदन दिएका थिए। यदि अहिलेको आइपिओमा चार लाख जनाकै आवेदन पर्याे भने पनि सर्वसाधारणले ३० देखि ४० कित्ताको लागि आवदेन दिए पुग्छ। चार लाख जनाले आवदेन दिए पनि न्यूनतम ३० कित्ता र अधिकतम ४० कित्ता सेयर बाँडफाँड गर्न पुग्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791090469.jpeg)
