काठमाडाैं- नेपाल विद्युत् प्राधिकरणले रघुपति जुट मिलको बिजुलीकाे लाइन काटेको छ। मिलले डिटेकेटेड लाइनको १५ करोड ५५ लाख ६८ हजार रुपैयाँ बक्यौता नततिरेपछि बुधबार लाइन काटिएकाे हो।
मिलले गत कार्तिकसम्मकाे ११ करोड ९१ लाख रुपैयाँ ४४ किस्तामा तिर्ने सहमति गरेको थियो। प्रति किस्ता २७ लाख ६ हजार रुपैयाँ तिर्ने सहमति गरेको उद्योगले पैसा नतिरेपछि लाइन काटिएको प्राधिकरण विराटनगर वितरण केन्द्र प्रमुख राजीव सिंहले बताए।
बक्याैता रकम नतिर्ने उद्याेगकाे लाइन काट्न संघीय संसद प्रतिनिधि सभाअन्तर्गतकाे सार्वजनिक लेखा समितिले पनि प्राधिकरणलाई निर्देशन दिइसकेकाे छ। अहिले ५६ वटा उद्याेगले डेडिकेटेड फिडर प्रयाेगमार्फतकाे ९ अर्बभन्दा बढी रकम तिर्न बाँकी रहेकाे छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
