काठमाडौं- आउँदो महिना कराँचीमा हुने भनिएको पाकिस्तान र बंगलादेशबीचको टेष्ट र एकदिवसीय क्रिकेट सिरिज स्थगित भएको छ।
अन्तर्राष्ट्रिय क्रिकेट परिषद् (आइसिसी) ले सोमबार पाकिस्तान र बंगलादेशबीचको टेष्ट र एकदिवसीय सिरिज कोरोना भाइरसको कारण सारिएकाे जानकारी दिएको हो। अप्रिल १ तारिखमा घरेलु टोली पाकिस्तानले बंगलादेशसँग कराँचीमा एकदिवसीय अन्तर्राष्ट्रिय क्रिकेट खेल खेल्ने तालिका थियो।
त्यस्तै, दोस्रो टेष्ट क्रिकेट खेल अप्रिल ५ देखि ९ तारिखसम्म कराँचीमा खेल्ने तालिका थियो। पाकिस्तान र बंगालदेशको पहिलो टेष्ट क्रिकेट भने फेब्रुअरीमा पाकिस्तानको रवलपिन्दीमा सम्पन्न भएको थियो। पहिलो टेष्टमा पाकिस्तानले बंगलादेशलाई एकै पारीमा ४४ रनले पराजित गरेको थियो।
कोरोना भाइरसको कारण संसारभरका खेलकुद गतिविधि एकपछि अर्को गर्दै स्थगित भइरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
