काठमाडौं- मनाङ मर्स्याङ्दी क्लब पोखरामा जारी आहा रारा गोल्डकप फुटबल प्रतियोगिताको फाइनलमा प्रवेश गरेको छ। बिहीबार भएको सेमिफाइनल खेलमा विभागीय टिम आर्मीलाई ३–२ गोलअन्तरले पराजित गर्दै मनाङ फाइनलमा प्रवेश गरेको हो।
पोखरा रंगशालामा मनाङलाई जित दिलाउन फ्लोरेन्ट, विमल राना र अञ्जन विष्टले गोल गरे। यता, आर्मीका भरत खवास र दीप कुमार लामाले गोल फर्काएका थिए।
खेलको चौथो मिनेटमा नै फ्लोरेन्टले गोल गर्दै मनाङलाई अग्रता दिलाएका थिए। खेलको २९औं मिनेटमा विमलले गोल गर्दै मनाङलाई २–० गोलको अग्रता दिलाए। खेलको ४२औं मिनेटमा कप्तान भरत खवासले गोल गरेपछि पहिलो हाफसम्म आर्मी २–१ गोलले पछि रहेको थियो।
खेलको ८१र्औं मिनेटमा अञ्जन विष्टले गोल गर्दा मनाङले ३–१ गोलको अग्रता लियो। तर त्यसको ८३औं मिनेटमा दीपले गोल गरेपछि आर्मी ३–२ गोलअन्तरले पछि परेको थियो। बाँकी समयमा गोल गर्ने राम्रो अवसर पाएपनि सदुपयोग गर्न नसक्दा आर्मी मनाङसँग स्तब्ध बनेको हो।
अब मनाङले उपाधिका लागि शनिबार विभागीय क्लब नेपाल पुलिस क्लबसँग प्रतिस्पर्धा गर्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786801196.jpg)
-1786602170.png)
