लिभरपुल प्रशिक्षक योर्गेन क्लोप
काठमाडौं- च्याम्पियन्स लिगको अन्तिम १६ बाट नै बाहिरिएपछि डिफेन्डिङ च्याम्पियन लिभरपुलका प्रशिक्षक योर्गेन क्लोपले एथ्लेटिको मड्रिडले ‘राम्ररी’ फुटबल नै नखेलेको प्रतिक्रिया दिएका छन्।
एथ्लेटिको मड्रिडसँग पहिलो लेगमा १–० ले हारेको लिभरपुल दोस्रो लेगमा बुधबार राति घरेलु मैदानमा नै ३–२ ले पराजित हुँदै च्याम्पियन्स लिगबाट बाहिरिएको थियो।
खेलपछि लिभरपुल प्रशिक्षक क्लोपले एथ्लेटिको मड्रिडले अनावश्यक रुपमा डिफेन्सिभ फुटबल खेलेको भन्दै आलोचना गरेका हुन्।
‘यदि मलाई जे लागिरहेको छ मैले त्यही कुरा भनेँ भने म विश्वमा सबैभन्दा ठूलो हरुवा जस्तो देखिनेछु। तर मैले बुझ्न सकिनँ एथ्लेटिको मड्रिडले किन त्यस्तो तरिकाको फुटबल खेल्यो’ प्रशिक्षक क्लोपले भने।
‘उनीहरुले साच्चैको उचित फुटबल खेल्न सक्थे, तर ९० मिनेटमा त उनीहरु काउन्टर अट्याकमा समेत बढेनन्। हामीले अन्तिममा तीन गोल खान पुग्यौँ जुन राम्रो कुरा होइन। मलाई यो समय राम्रो लागिरहेको त छैन तर उनीहरुलाई जितको लागि बधाई दिन चाहन्छु’ उनले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787723619.jpg)
-1786602170.png)
-1789631269.jpg)
