काठमाडौं- दश दिनको अवधिमा २ सय ६८ अंकले घटेको बजारमा बुधबार ७१.१२ अंकको सुधार भएको छ। नाफा बुक गरेका लगानीकर्ताले बजार सुधार हुने अपेक्षामा सेयर उठाउँदा बजार ५.२७ प्रतिशतले बढेको हो। सुधारसँगै कारोबार रकम पनि दुई अर्ब १९ करोड रुपैयाँको कारोबार भएको छ।
बुधबार १ सय ८० कम्पनीको ५५ लाख ८७ हजार कित्ता सेयर कारोबार भएको छ। समग्र वाणिज्य बैंकको सूचक ५.६५ प्रतशितले बजार सुधारका लागि टेवा दिएको छ। सबैभन्दा धेरै व्यापारको सूचक ८.१७ प्रतिशतले बढेको छ।
माइक्रोफाइनान्सको मूल्य पनि सुधार भएका छन्। अको दुई वर्ष सेयर बजार बुलिस ट्रेन्डमा रहने विश्लेषणले करेन्सन हुने बित्तिकै ठूला तथा सचेत लगानीकर्ताले सेयर उठाउने गरेका छन्।
नेपाल लाइफ इन्स्योरेन्स कम्पनीको सबैभन्दा धेरै २३ करोड ३४ लाख रुपैयाँको कारोबार भएको छ। मंगलबार कोरोनाको प्रभावले सेयर बजारमा नकारात्मक सर्किट लागेको थियो। गत साता पनि नकारात्मक सर्किट लाग्दा अधिकांश कम्पनीको सेयर मूल्य घटेका थिए।
प्राविधिक विश्लेषकले यदि बुधबार सेयर बजार सकात्मक देखियो भने बजारले पुनः यस अगाडिको अधिकतम बिन्दुलाई उछिन्ने विश्लेषण गरेका छन्। सेयर बजारमा थोरै अंकले बढेर धेरै अंकले सुधार हुँदा लगानीकर्ताको कन्फिडेन्स बढ्ने गरेको पाइन्छ।
पछिल्लो समय सेयर बजारलाई सैद्धान्तिक पक्षले भन्दा प्राविधिक विश्लेषणले सपोर्ट गर्दै आएको छ। बजार सुधार हुने सैद्धान्तिक पक्ष कमजोर छन्। सेयर बजारलाई मद्दत गर्ने गरी कुनै पनि नीतिगत सुधार भएको छैन। तर प्राविधिक विश्लेषकले अबको केही वर्ष नेपालको सेयर बजार बुलिस ट्रेन्डमा रहेने विश्लेषण गरिरहेका छन्।
मंगलबार ८६.३९ अंकको गिरावट हुँदा नेप्से सूचक १३४९.३१ अंकमा झरेको थियो। यस क्रममा अधिकांश कम्पनीको सेयर मूल्य १० प्रतिशत भन्दा धेरैले तल झर्यो। अर्थमन्त्री फेरिने हल्ला फैलाएर तीन महिनाको अवधिमा ११०९ अंकबाट १६७२ अंकसम्म पुगेको विश्लेषण पनि गरिन्छ। मंगलबारबाट बजार सुधार हुने प्रक्षेपण गरिए पनि सोमबार विदेशका मुख्य सेयर बजारमा कमी आएकाले नेपालमा पनि नकारात्मक सर्किट लागेको विश्लेषण गरिएको छ।
कोरोना भाइरसले विश्व अर्थतन्त्रमै ठूलो प्रभाव पार्दै आरहेको छ। यस्तो अवस्थामा लगानीकर्ताले सेयरमा भन्दा सुरक्षित क्षेत्रको रुपमा सुन तथा डलरमा लगानी बढाइरहेका छन्। कोरोनाले कम्पनीहरुको व्यवसायमा प्रभाव पार्दै गर्दा उनीहरुको वित्तीय विवरण पनि खुम्चिन्छ। कम्पनीको नाफा खुम्चिए सँगै कम्पनीको सेयर मूल्यमा पनि भारी गिरावट आउँछ।
यति धेरै ठुलो गिरावटसँगै पछिल्लो एक महिनाको अवधिमा सेयर खरिद गर्नेहरु ठुलो घाटामा देखिएका छन्। तर नेपालको बजारमा एक दिन अगाडि नकारात्मक सर्किट लागेको बजारमा भोलिपल्टै ५ प्रतिशत भन्दा माथिको सुधार देखिएको छ। बजारमा लगानीकर्ता भन्दा क्रेता तथा बिक्रेता हाबी हुँदा बजार सुधार हुन मद्दत गरेको हो।
तीन महिनाको अवधिमा शेयर बजार ५ सय २३ अंकले सुधार भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1766648928.png)
