नयाँ दिल्ली- इरफान खान र करिना कपुरको फिल्म अंग्रेजी मिडियम छिटै रिलिज हुने भएको छ। यो फिल्मबाट यी दुई जोडी पहिलो पटक स्क्रीन शेयर गर्दैछन्। फिल्मको पहिलो पार्ट ‘हिन्दी मिडियम’ सुपरहिट रहेको थियो।
दर्शकहरुले इरफान र करिनाको जोडीलाई मन पराएका थिए। हालै यो फिल्मको विशेष प्रिमियम राखिएको थियो। तर‚ यो प्रर्दशनमा इरफान र करिना नै उपस्थित थिएनन्। आइतबार मुम्बईमा भएको प्रिमियममा बलिउडका सेलेब्रेटीहरुको बाक्लो उपस्थिति रहेको थियो।
फिल्म निर्देशक होमी अदजानिया, अभिनेत्री राधिका मदान सो कार्यक्रममा उपस्थित थिए। अभिनेत्री मदान सेतो टपलेसमा र जिन्समा थिइन्। उनी चलचित्रमा करिना र इरफानको छोरीको भूमिकामा देखिएकी छन्।
अभिनेता दीपक दोबरियाल पनि उक्त समारोहमा सहभागी भएका थिए। कार्तिक आर्यन सँधैजस्तो कुल अन्दाजमा उपस्थित भएका थिए। फिल्म १३ मार्च २०२० को रिलिज हुँदैछ।
फिल्ममा छोरीलाई लण्डनमा पढाउन एक पिताले गर्ने संघर्षको बारेमा देखाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
