काठमाडौं- प्राइम कमर्सियल बैंक र कैलाश विकास बैंकको मर्जरपछिको संयुक्त कारोबार फागुन २९ गतेदेखि हुने भएको छ। नेपाल राष्ट्र बैंकले कैलाश विकास बैंकलाई प्राप्ती गर्ने अन्मति अनुमति दिएसँगै प्राइमले संयुक्त कारोबारको अन्तिम तयारी गरेको हो।
प्रामइमले कैलाश विकास बैंकलाई एक बराबर ०.९४ प्रतिशत शेयर अनुपातमा प्राप्ति गरेको हो। मर्जरको सम्झौतासँगै दुवै बैंकले गत पुस २५ गते वार्षिक साधारणसभाबाट मर्जरको प्रस्ताव पारित गरिसेकेका छन्। साधारणसभासँगै नेपाल राष्ट्र बैंकले पनि अन्तिम स्वीकृति प्रदान गरिसकेको छ। हाल प्राइमको चुक्ता पुँजी १० अर्ब ८ करोड रुपैयाँ रहेको छ। त्यस्तै कैलाशको दुई अर्ब ९२ करोड रुपैयाँ छ।
स्वाप रेसियोपछि कैलाश विकास बैंकको दुई अर्ब ७४ करोड रुपैयाँ प्राइमकोमा थपिनेछ। मर्जरपछि प्राइमको चुक्ता पुँजी १३ अर्ब ५५ करोड रुपैयाँ पुग्नेछ। स्वाप रेसियोपछि उब्रिएको पुँजी १७ करोड ५४ लाख रूपैयाँ प्राइमको जगेडामा जोडिने छ।
मर्जरपछि प्राइमको कर्जा लगानी एक खर्ब २८ अर्ब रुपैयाँ पुग्नेछ भने निक्षेप संकलन एक खर्ब १५ अर्ब रुपैयाँ पुग्नेछ। त्यस्तै शाखा सञ्जाल २०० नाघ्नेछ। नेपाला राष्ट्र बैंकबाट मर्जरको अन्तिम स्वीकृत पाएसँगै संयुक्त कारोबार केहि समयपछि सुरु हुने बैंकले जनाएको छ।
प्राइमले ओम डेभलपमेन्ट बैंकलाई मर्जर गर्ने अन्तिम तयारी गर्दै गर्दा स्वाप रेसियो र कर्मचारीको समायोजनमा कुरा नमिल्दा भाडिएको थियो। हाल ओम डेभलपमेन्टलाई एनएमबी बैंकले मर्जर गरिसकेको छ। प्राइमसँग कुरा नमिले पछि एनएमबी र ओम डेभलपमेन्ट बैंकसँग सहमति जुटेको थियो।
पछिल्लो समय बाणिज्य स्तरका बैंकहरुले राष्ट्रिय स्तरकै बाणिज्य बैंकहरुलाई प्राप्ति तथा मर्जर गरी आफूले ठूलो बनाउँदै आएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
