काठमाडौं- उपमेयर राष्ट्रिय महिला लिग फुटबलको खेल तालिका सार्वजनिक भएको छ। अखिल नेपाल फुटबल संघ (एन्फा) ले बिहीबार खेल तालिका सार्वजनिक गरेको हो।
धरान, काठमाडौं र विराटनगरमा पहिलो, दोस्रो र तेस्रो गरी तीन चरणमा हुने प्रतियोगिताकाे खेल तालिका एन्फाले निकालेकाे हाे। प्रतियोगितामा तीन विभागीय टिम आर्मी, पुलिस र एपिएफसहित मोरङकाे विराटनगर महानगरपालिका, स्याङ्जाकाे वालिङ नगरपालिका, राैतहटकाे चन्द्रपुर नगरपालिका र उदयपुरकाे चौदण्डीगढी नगरपालिका रहेका छन्।
प्रतियोगिताको पहिलो चरणका खेलहरु सुनसरीको धरान रंगशालामा चैत ३ देखि १३ गतेसम्म आयोजना हुनेछ। त्यस्तै, प्रतियोगिताको दोस्रो चरणका खेलहरु काठमाडौंमा बैशाख पहिलो सातादेखि हुनेछ भने अन्तिम तथा तेस्रो चरणका खेल विराटनगरस्थित सहिद रंगशालामा हुनेछ।
गत महिना रौतहटमा सम्पन्न उममेयर राष्ट्रिय महिला फुटबल छनोटबाट आएका चार टिम र तीन विभागीय क्लब गरी सात टिमले प्रतियोगितामा भाग लिन लागेका हुन्।
प्रतियोगिताको विजेताले १५ लाख, उपविजेताले आठ लाख र तेस्रो हुनेले पाँख लाख नगद पाउने छन्। त्यस्तै, विधागत उत्कृष्ट हुने खेलाडी तथा प्रशिक्षकले ५० हजार नगद पाउने छन्।
प्रतियोगिताको उद्घाटन खेलमा चैत ३ गते उदयपुरको चौदण्डीगढी नगरपालिकाले चन्द्रपुर नगरपालिकासँग प्रतिस्पर्धा गर्नेछ। खेल धरान रंगशालामा दिउँसो ३ बजे सुरु हुनेछ। त्यस्तै, चैत ४ गते भने दुई खेल हुनेछन्। पहिलो खेलमा आर्मीले स्याङ्जाको वालिङ नगरपालिकासँग खेल्दा एपिएफले विराटनगर महानगरपालिकासँग खेल्नेछ। त्यस्तै, चैत ५ गते पुलिस क्लबले चन्द्रपुर नगरपालिकासँग खेल्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
