काठमाडौं- चैत १ गतेदेखि हुने भनिएको एभरेस्ट प्रिमियर लिग (इपिएल) टी २० क्रिकेट स्थगित भएको छ। प्रतियोगिताका लागि नयाँ मिति तोकिने तयारी भए पनि कुन समयमा गरिने भन्ने यकिन छैन।
विश्वभर फैलिएको कोरोना भाइरसको डरका कारण प्रतियोगिता सरेको हो। नेपाल सरकार, प्रायोजक र अन्य सम्बन्धित निकायसँगको छलफलबाट प्रतियोगिता सार्ने निर्णय गरिएको आयोजकले जनाएको छ।
कोरोना भाइरसको प्रकोप सकिएपछि इपिएलको नयाँ मिति तय गरिने बताइएको छ।
इपिएलका प्रबन्ध निर्देशक आमिर अख्तरले इपिएल सार्नुपर्दा आफूहरु दुःखी भएको बताएका छन्। ‘अहिलेको मितिमा इपिएल गर्न नसक्दा हामी दुःखी छौँ। तर नेपाली नागरिक र विदेशी खेलाडीको समेत स्वास्थ्यमा हामी जिम्मेवार हुनैपर्छ’ उनले भनेका छन्।
बुधबार दिउँसोसम्म इपिएल तोकिएकै मितिमा हुने र कोराना भाइरसले प्रतियोगितालाई असर नगर्ने बताइरहेका प्रबन्ध निर्देशक अख्तर सरकारसँगको छलफलपछि प्रतियोगिता सार्ने निर्णयमा पुगेका हुन्।
‘यो वर्षको इपिएल अहिलेसम्मकै सबैभन्दा भव्य हुनेमा कुनै शंका छैन, अब तय हुने नयाँ मितिमा पनि यही उत्साहसाथ काम गरेर भव्य प्रतियोगिता गर्ने विश्वास दिलाउन चाहन्छु’ उनले भनेका छन्।
यो सिजनको इपिएलमा क्रिस गेल, ड्वायन स्मिथ, उपुल थारङ्गा, कोरी एन्डर्सन जस्ता स्टार खेलाडी आउने हुँदा विशेष चासोका साथ हेरिएको थियो। तर, कोरोना भाइरसको संक्रमणबाट जोगिन ठूला सभा सम्मेलन र जमघट नगर्न र उच्च सतर्कता अपनाउन सरकाले गरेको आग्रहमा ठूलो संख्यामा दर्शक जम्मा हुने इपिएल जस्ता प्रतियोगिता हाललाई नगर्दा नै राम्रो हुने सुझावहरु आइरहेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_ZtgGYzEpDO-1789120936.webp)
-1786602170.png)
