काठमाडौं- बंगलादेशका ओपनर ब्याट्सम्यान तमिम इकबालले एकदिवसीय क्रिकेटमा आफ्नो करियरकै उच्च रन बनाएका छन्।
जिम्बाब्वेविरुद्ध उनले १५८ रन बनाउँदै व्यक्तिगत उच्च स्कोर बनाएका हुन्। यसअघि उनले जिम्बाब्वेविरुद्ध नै सन् २००९ मा १५४ रन बनाएका थिए।
उच्च स्कोर बनाउने क्रममा उनले १३६ बलमा २० चौका र तीन छक्का प्रहार गरे। तमिमको यो १२औं शतक हो। उनले ४७ अर्धशतक बनाएका छन्।
तमिमको उत्कृष्ट प्रदर्शनमा जिम्बाब्वेलाई बंगलादेशले ३२३ रनको लक्ष्य दिएको छ। टस जितेको बंगलादेशले आठ विकेटको क्षतिमा ३२२ रन बनाएको हो। त्यस्तै, बंगलादेशका लागि मुश्फिक्युर रहिमले ५५, मोहमुदुल्लाहले ४१ र मोहम्मद मिथुनले अविजित ३२ रन बनाए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
