काठमाडौं- सहिद स्मारक ए डिभिजन लिग फुटबलमा ब्वाइज युनियनले जितेको छ। सोमबार सातदोबाटोस्थित एन्फा कम्प्लेक्समा भएको खेलमा ब्वाइज युनियनले पुल्चोक स्पोर्ट्स क्लबलाई ३–२ गोलअन्तरले पराजित गरेको हो।
ब्वाइज युनियनको जितमा टंक बहादुर सिंहदन, विवेक पौडेल र रोशन थापामगरले गोल गरे। पुल्चोकका लागि आकाश राना र श्रेरब तामाङले गोल फर्काएका थिए।
खेलको २१ मिनेटसम्म नै तीन गोल गर्दै फराकिलो अग्रता बनाएको ब्वाइज युनियनले त्यसपछि दुई गोल खाएपनि जित आफ्नो पक्षमा पार्न सफल भयो। खेलको पाँचौ मिनेटमा विवेक पौडेलले गोल गर्दै ब्वाइज युनियनलाई अग्रता दिलाएका थिए। खेलको १५औं मिनेटमा टंक र २१औं मिनेटमा रोशनले गोल गरेपछि ब्वाइज युनियनले ३–० गोलको अग्रता बनायो।
खेलको ३४औं मिनेटमा आकाशले गोल गरेपछि पुल्चोक ३–१ गोलको स्थितिमा पुगेको थियो। पहिलो हाफमा ३–१ गोलअन्तरले सकाएको पुल्चोकले खेलको ५८औं मिनेटमा गोल गर्दै ३–२ गोलको अवस्थामा ल्याएको थियो। तर बाँकी समयमा गोल गर्न नसक्दा पुल्चोक ब्वाइज युनियनसँग ३–२ गोलअन्तरले स्तब्ध बनेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
