काठमाडौं– काठमाडौं किंग्स इलाभेनले न्युजिल्यान्डका विश्व कीर्तिमानी खेलाडी कोरी एन्डर्सनलाई अनुबन्धन गरेको छ।
काठमाडौंले सोमबार प्रेस विज्ञप्ति जारी गर्दै एन्डर्सनलाई आफ्नो टिममा अनुबन्धित गरेको जनाएको छ। ब्याटिङ अलराउण्डर एन्डर्सन त्यस्ता खेलाडी हुन्। जसको नाममा एकदिवसीय विश्व कीर्तिमान छ।
उनले वेष्ट इन्डिजविरुद्ध मात्र ३६ बलमा क्विन्स टाउनमा शतक बनाएका थिए। जुन सबैभन्दा छिटो शतक हो। उनले शतक बनाउने क्रममा ६ चौका र १४ छक्का प्रहार गरेका थिए।
१३ टेष्ट र ४९ एकदिवसीय खेल खेलेका एन्डर्सनले ३१ टि–२० अन्तर्राष्ट्रिय क्रिकेटमा ४८५ रन बनाएका छन्। बलिङतर्फ उनले १४ विकेट लिएका छन्। काठमाडौंले यसअघि केभिन ओब्रियनलाई अनुबन्धित गरेको थियो।
काठमाडौंमा आबद्ध नेपाली खेलाडीहरुमा दीपेन्द्रसिंह ऐरी, सन्दीप लामिछाने, जितेन्द्र मुखिया, अमित श्रेष्ठ, राजु रिजाल, सम्सद शेख, अमरसिंह रौटेला, सुवास खकुरेल, आकाश चन्द, अमृत भट्टराई, शेर मल्ल र दीपेन्द्र रावत छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
