काठमाडौं- चार तारे होटल क्राउन इम्पेरियलको निर्माणमा ढिलाइ हुँदा अनुमान गरिएको भन्दा ५८ प्रतिशतले लागत बढेको छ। होटल निर्माणको लागत बढेर एक अर्ब ७७ करोड रुपैयाँ पुग्ने भएको हो।
एक वर्षअगाडि नै निर्माण सम्पन्न गर्ने लक्ष्य लिएको भएपनि अझै निर्माण कार्य सकिएको छैन। होटलले आगामी असारदेखि निर्माण कार्य सक्ने लक्ष्य लिएको छ। होटल निर्माणका लागि प्रवर्द्धक कम्पनी अर्किड होल्डिङले ९९ करोड १९ लाख रुपैयाँको ऋण लिएको छ। उक्त कर्जाको लागि रेटिङ गर्दा कम्पनीले 'केयर एनपि वि प्लस' र 'केयर एनपी ए फोर' प्राप्त गरेको छ। उक्त रेटिङले समयमा वित्तीय दायित्व पूरा नगरेको खण्डमा उच्च जोखिम रहेको केयर रेटिङले जनाएको छ।
निर्माण लागत अनुमानभन्दा बढी हुँदा कर्जाको रेटिङ कमजोर आएको हो। उच्च बैंकिङ व्याजदर, होटलको व्यावसायिक सञ्चालनपछि पनि चार/पाँच वर्ष स्थापित हुनलाई नै लाग्ने भएकोले उक्त कर्जाको जोखिम धेरै देखिएको हो।
गएका केहि वर्षदेखि होटल खोल्ने क्रम बढेको छ। होटलहरुको अकुपेन्सी सन्तोषजनक नहुँदा प्राइस वारको ठूलो समस्या छ। यसले होटलहरुको वित्तीय स्थायित्वमा ठूलो चुनौती खडा गरेको रेटिङ एजेन्सीले जनाउँदै आएका छन्। होटल सञ्चालन भएको केहि वर्ष व्यापार गर्न सक्दैनन्। त्यसले गर्दा कर्जा तिर्न धेरै वर्ष लाग्छ।
नेपाल सरकारले सन् २०२० लाई पर्यटन वर्षको रुपमा मनाइरहेको छ। पर्यटन उद्योग राज्यकै प्राथमिकतामा परेकोले केहि राम्रो संकेत देखिएता पनि पर्यटन भित्रिने क्रम भने बढ्न सकेको छैन। गत वर्ष नेपालमा पर्यटकको संख्या ८ प्रतिशतले बढेर ९ लाख ८० हजार रहेको छ। यस संख्यालाई २० लाख पुर्याउने सरकारले लक्ष्य बनाएको छ।
होटलको जम्मा लागत मध्ये ५६ प्रतिशत बैंक कर्जा र ४४ प्रतिशत शेयर पुँजी मार्पत जुटाउने छ। गत पुससम्ममा होटलले ९४ करोड ७० लाख रुपैयाँ बैंक कर्जा र ७७ करोड ५० लाख रुपैयाँ शेयर पुँजीबाट जुटाएको थियो। निर्माणको केहि काम बाँकी रहेको तथा लिएको कर्जाकै व्याज तिर्नकालागि होटलले ९९ करोड ९१ लाख रुपैयाँ ऋणको रेटिङ गराएको हो।
अर्किड होटलको जम्मा रुम १३१ वटा रहेको छ। जसमा रेष्टुरेन्ट, स्वीमिङ पुल, कर्फ्रेन्स हल, बैंङ्क्युट हल रहेको छ। होटलले गत चैतबाट ५१ वटा कोठबाट सफ्ट लन्चिङ गरिसकेको छ। बाँकी कोठा सम्पन्न गर्ने क्रममा छ। होटलको प्रबन्ध निर्देशकमा सुधीरमान मास्के रहेका छन्। महाप्रबन्धकमा भने भरत जोशी रहेका छन्। मास्के २४ वर्षदेखि विभिन्न व्यापार व्यवसायमा संलग्न हुँदै आएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787723619.jpg)
-1786602170.png)
-1789631269.jpg)
