काठमाडौं-नेपालस्थित अमेरिकी दूतावासको एक्जुकेटिभ म्यानेजर हुँ भन्दै नक्कली परिचयपत्र देखाउँदै ठगी गर्ने एक व्यक्तिलाई प्रहरीले पक्राउ गरेको छ।
पक्राउ पर्नेमा सिन्धुपाल्चोक मेलम्ची नगरपालिका ९ ज्यामिरे घरभई हाल काठमाडौं कागेशवरी मनोहरा नगरपालिका थलि बस्ने ४१ वर्षीय विकास भन्ने केदार खड्का रहेकाे महानगरीय अपराध महाशाखा टेकुबाट खटिएको प्रहरी टोलीले पक्राउ गरेको हो।
खड्काले युवाहरुलाई अमेरिका पठाउने विश्वास दिलाउन आफू काठमाडौंस्थित अमेरिकी दूतावासको कर्मचारी भएको भन्दै लाखौँ रकम असुल्ने गरेको उजुरी महाशाखामा परेको थियो। सोही उजुरीका आधारमा महाशाखाले उनलाई बिहीबार चाबहिलबाट पक्राउ गरेको हो।
उनलाई थप आवश्यक कारबाहीका लागि महानगरीय प्रहरी परिसर टेकुमा पठाइएको महाशाखाले जनाएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।