काठमाडौं– अर्थमन्त्री एवं सरकारका प्रवक्ता डा युवराज खतिवडाले ज्ञानमाथि कर नलगाएको बताएका छन्। उनले पुस्तक बिक्री गरेर नाफा कमाउनेहरुलाई कर लगाइएको उनले बताए।
‘पुस्तकको व्यापार पनि व्यापारै हो,’ बिहीबार मन्त्रिपरिषद्का निर्णय सार्वजनिक गर्दै मन्त्री खतिवडाले भने, ‘ज्ञानको व्यापार होइन। पुस्तकको व्यापार गरेर नाफा कमाइन्छ भने त्यसमा कर लाग्छ।’ सरकारले पुस्तकमा कर लगाएको भन्दै अहिले त्यसको विरोध भइरहेको छ।
मन्त्री खतिवडाले पुस्तकमा कर लगाउने विषय नयाँ नभएको बताए। ‘पुस्तकको बिक्रीमा धेरैले मूल्य अभिवृद्धि कर लगाउँछन्,’ उनले भने, ‘त्यो १८ प्रतिशतसम्म छ। ५ देखि १० प्रतिशत कर नयाँ कुरा होइन्।’
नयाँ प्रेस तथा छापाखाना स्थापना भइरहेको भन्दै उनले उनीहरुको संरक्षणका लागि पनि कर लगाइएको बताए। उनले भने, ‘हाम्रो मुलुकमा नयाँ लगानीमा प्रेस तथा छापाखाना स्थापना भएको छ। उनीहरुले करै नतिरी ल्याउने पुस्तकसँग प्रतिस्पर्धा गर्नुपर्छ। अनि उनीहरु कसरी टिक्छन्?’
मन्त्री खतिवडाले संसदले यो विषय नटुंग्याउनजेल यसमा आफू कामय रहने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
