काठमाडाैं- सरकारले पुस्तक आयातमा लगाएको करका विरुद्ध नेपाली कांग्रेसका नेताहरुले खबरदारी गर्ने भएका छन्। कांग्रेस नेताद्वय प्रदीप गिरी र गगनकुमार थापाले बुधबार सरकारलाई खबरदारी गर्न लागेका हुन्।
काठमाडौंको माइतीघर मण्डलामा साँझ ५ बजेपछि हुने कार्यक्रममार्फत् उनीहरुले पुस्तकमा लगाइएको करविरुद्ध खबरदारी गर्ने भएका हुन्। 'जनतालाई पढ्न नदिनु निरंकुशताको अप्रत्यक्ष प्रयास हो' भन्ने नाराका साथ लेखक तथा पाठकहरुद्वारा आयोजित कार्यक्रममा अन्य चर्चित लेखकहरु पनि सहभागी हुने बताइएकाे छ।
सरकारले गत साउनदेखि लगाएको पुस्तक कर संविधानविपरीत र नेपालले गरेको अन्तर्राष्ट्रिय महासन्धिविरुद्ध रहेको लेखकहरुकाे दावी छ। अन्तर्राष्ट्रिय प्रकाशनका पुस्तकहरू नेपालमा आयात गर्दा चर्को कर लगाउनु पुस्तक संस्कृतिमाथि प्रहार भएको उनीहरुको आरोप छ।
युनेस्को महासन्धिमा ज्ञानको प्रवर्द्धन गर्न कुनै किसिमको अवरोध नगर्ने उल्लेख गरिएको र त्यसमा आफूले जनाएको सहमतिलाई सरकारले उलंघन गरेको विज्ञहरुले बताए।
उपभोक्ता हित संरक्षण मञ्चका अध्यक्ष अधिवक्ता ज्योति बानियाँले संविधानको धारा ३१ मा प्रत्येक नागरिकलाई शिक्षामा पहुँच हुने छ भनिएकाले किताबमा करको व्यवस्थालाई ज्ञानमाथि प्रतिबन्ध लगाउने खेलको संज्ञा दिए। किताबमा १२.६८ प्रतिशत भन्सार कर लगाउनु संविधानविपरीत भएको संविधानविद्हरुको दावी छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790764182.png)
-1790763466.png)
-1790762422.png)
-1786602170.png)
