इटहरी- प्रदेश १ नेपाली कांग्रेसका सचेतक सुयर्माराज राईले प्रधानमन्त्री केपी शर्मा ओलीको राजीनामा माग गरेका छन्।
मंगलबारको प्रदेशसभाको बैठकमा कविताको शैलीमा राजीनामा माग गरेका हुन्।
संघीय सरकारका विभिन्न गतिविधिको विरोधमा जनता देखिएकोले नैतिकताको आधारमा प्रधानमन्त्री राजीनामा दिनुपर्ने उनको भनाइ छ।
प्रदेशसभाको शून्य समयमा कांग्रेसबाट निर्वाचित सांसद राईले प्रधानमन्त्रीको आलोचना गर्दै राजीनामा माग गरेका हुन्।
राईले पछिल्लो प्रधानमन्त्रीको जन्मदिनको केकदेखि सरकारका मन्त्रीले मागेको कमिसनसम्म जोडेर कविता सुनाए।
सुरुमा 'कविता मनपराइदिनु होला' भन्दै उनले सबैको अनुहार हेर्दा 'कविता मन परेको जस्तो लाग्यो'भन्दै कविता टुङ्ग्याए।
यस्तो छ कविता
बालुवाटारमा बेसुरा सारंगी रेटेको देखियो
सर्वहारा बर्थडेमा केक हो कि देश काटेको देखियो
सामन्ती,बुर्जुवा,पुजीपति, जनताको शत्रु हुन् भन्थे
सर्वहारा प्रधानमन्त्रीको मण्डले चरित्र फाटेको देखियो
समृद्द नेपाल सुखी नेपाल नारा त सुनेकै हो
करोड अरबको कमिसनमा त्यो सबै साटेको देखियो
भस्ट्रचारिको मुख हेर्दिन नया टुक्का शब्दकोशमा
आफ्नो अनुहार ऐनमा मज्जाले चाटेको देखियो
नेपाल र नेपालीको भाग्य बदल्छु भन्नेले
काखी च्यापी घुसखोरिलाई जनता धातेको देखियो
मेचीकाली हिमाल तराइ जय रास्ट्रवाद
बेलाबेला उत्तर दक्षिण शिर काटेको देखियो
राजिनामा माग्छन जनता ए प्रधानमन्त्रीज्यू
नैतिकता कुन चरी हो? उल्टै सोध्न लागेको देखियो
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
