काठमाडौं- तीन जनाको ज्यान गएको बबरमहल बम बिस्फोटका योजनाकार बुद्धिबहादुर गोले सातै वर्षमा कारागारमुक्त भएका छन्। प्रजातन्त्र दिवसमा राष्ट्रपतिले कैद मिनाहा गर्न पाउने कानुनी बाटाे समातेर गम्भीर अपराधका मुख्य योजनाकार ठहरिएका गाेले बुधबार जेलमुक्त भएका हुन्। उनी केन्द्रीय कारागार सुन्धारामा कैद भुक्तान गरिरहेका थिए। गृहमन्त्रालयको सिफारिसमा गोले रिहा भएका हुन्।
उनी रिहा भएको पुष्टि गर्दै सुन्धारा कारागारका जेलर लक्ष्मीप्रसाद बाँस्कोटाले भने, ‘उनीसहित केन्द्रीय कारागारमा रहेका २६ जना कैदी रिहा भएका छन्। संयुक्त जातीय मुक्ति मोर्चाले २०६८ फागुन १७ मा बबरमहलमा बम बिस्फोट गराएको थियो। सो क्रममा कृष्णबहादुर तामाङ, मानबहादुर तामाङ र बीरबहादुरको तामाङ गरी तीन जनाको ज्यान गएको थियो।
उक्त घटनामा गोलेलाई दोषी ठहर गर्दै सर्वोच्च अदालतले २०७३ जेठमा १५ वर्ष कैदको फैसला सुनाएको थियो । उनीसँगै केन्द्रीय कारागारमा रहेका कर्तव्य ज्यान मुद्दाका दोषी, नवीन लम्साल, नरबहादुर कार्की, रेशम तामाङ, मानबहादुर राई, धन बहादुर तामाङ, बीरमान घलान, निरज केसी पनि बुधबार रिहा भएका छन्।
त्यसैगरी सविन गुरुङ (ज्यान मार्ने उद्योग), पारस तामाङ (ज्यान मार्ने उद्योग), सौगात जोशी (सवारी ज्यान), सुदिप नेपाल (सरकारी छाप कीर्ते), किरण जोशी (ठगी), तारानाथ न्यौपाने (लिखत कसुर), मितेश दाहाल (सरकारी छाप कीर्ते), बलराम रुम्बा (डाँका चोरी), रमेश तामाङ (मोटरसाइकल चोरी), सुमनराज जोशी (ठगी र सरकारी छाप कीर्ते), शिशीर तामाङ (सरकारी छाप कीर्ते), आशिष चौधरीको (खोटा नोट चलान), बुद्धिमाया तामाङ, माइली तामाङ यमलाल राई, कृष्णप्रसाद न्यौपाने र फोजनाथ थारु रिहा भएका छन्।
देशभरका कारागारबाट गरेर प्रजातन्त्र दिवसको अवसरमा ३ सय २९ जना कैदीको कैद मिनाहा गरिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
