काठमाडौं- नेपाली सेनाभित्र नीति निर्माणका लागि महत्वपूर्ण मानिने पृतनापति समन्वयात्मक बैठकमा राष्ट्रिय स्वार्थविरुद्धका गतिविधि नियन्त्रणमा लिनेबारे छलफल भएको छ।
दुई दिने बैठकको सोमबार जङ्गीअड्डामा उपप्रधान तथा रक्षामन्त्री ईश्वर पोखरेले उद्घाटन गरेका थिए। बैठकमा राष्ट्रिय स्वार्थ र हितका विरुद्ध हुनसक्ने गतिविधि नियन्त्रणमा लिनेबारे छलफल भएको नेपाली सेनाले जानकारी दिएको छ।
बैठकको मंगलबार समापन गर्दै प्रधानसेनापति पूर्ण चन्द्र थापाले त्यस्ता गतिविधि नियन्त्रणमा लिनका लागि तयार हुन निर्देशन दिएका थिए । ‘राष्ट्रिय स्वार्थ र हितका विरुद्ध हुनसक्ने कुनै पनि गतिविधि हुन नदिनु र भइहाले पनि परिस्थिति नियन्त्रणमा लिन प्रतिक्रियात्मक क्षमतासहित तयार रही राष्ट्रिय सुरक्षा सबल बनाउनु नेपाली सेनाको संवैधानिक जिम्मेवारी भएकाले सो कार्यका लागि सदैव तयारी हालतमा रहनुपर्ने समेत निर्देशन दिनु भएको थियो,’ बैठकबारे सेनाले भनेको छ।
बैठकमा संगठन व्यवस्थापनको पक्षलाई पारदर्शी र प्रभावकारी बनाउने विषयमा पनि छलफल भएको थियो ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766928868.png)
-1764146706.png)
-1766648928.png)
