राजविराज– सप्तरीको बोदेबर्साइन नगरपालिका-४, गौरास्थित भित्री सडकमा मंगलबार भएको सवारी दुर्घटनामा दुई जनाको मृत्यु भएको छ भने ६ जना घाइते भएका छन्।
बोदेबर्साइनबाट विष्णपुर जाँदै गरेको ना १ क ५५२७ नम्बरको टिपरले विपरीत दिशाबाट आउँदै गरेको स १ ह ३७९५ नम्बरको अटोलाई ठक्कर दिँदा दुर्घटना भएको हो।
दुर्घटनामा अटोमा सवार भारतको अररिया जिल्ला मोतिहारी ग्राम पंचायत–७ का २६ वर्षीय मोहम्मद सदाम हुसेन र सोही ठाउँ बस्ने ४५ वर्षीया कुनकुनिया खातुनको मृत्यु भएको छ।
हुसेनको घटनास्थलमै र खातुनको उपचारका लागि विराटनगर स्थित न्युरो अस्पताल लाने क्रममा बाटोमा मृत्यु भएको जिल्ला प्रहरी कार्यालय सप्तरीका डिएसपी तिलक भारतीले बताए।
दुर्घटनामा सप्तरीको महदेवा गाउँपालिका–१ का ४० वर्षीय मोहम्मद सलिउदिन, उनकी पत्नी ३५ वर्षीया मुनिया खातुन, छोराहरु १२ वर्षीय मोहम्मद अकबर, १० वर्षीय मोहम्मद दाबेल, ६ वर्षीय मोहम्मद आशिक र सोहि ठाउँका ९ वर्षिय मोहम्मद अनवर घाइते भएका छन्।
घाइतेमध्ये मोहम्मद अकबरको अवस्था गम्भीर छ। उनलाई उपचारका लागि विराटनगरस्थित न्यूरो अस्पताल पठाइएको र अन्यको स्थानीय स्वास्थ्य संस्थाहरुमा उपचार भइरहेको डिएसपी भारतीले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791950786-1793201567.png)
-1786602170.png)
