काठमाडौं– ब्लड क्यान्सर देखिएपछि पत्रकार कमल पौडेल उपचारका लागि काठमाडौंको सिभिल अस्पताल भर्ना भएका छन्। उनको उपचारमा करिब ३० लाख रुपैयाँ खर्च हुने अस्पतालले जनाएपछि अमेरिकामा बस्ने पत्रकारहरुले गोफन्डमीमा सहयोग संकलन अभियान सुरु गरेका छन्।
२० हजार डलर संकलन गर्ने लक्ष्यका साथ सुरु गरिएको गोफन्डमीमा २३ फेब्रुअरीसम्म सहयोग गर्न सकिने जनाइएको छ। सहयोग संकलन अभियानका नेतृत्वकर्ता किशोर सापकोटाका अनुसार पहिलो दिन नै १ हजार ५ सय ६६ डलर उठेको छ।
विभिन्न साप्ताहिक पत्रिकाहरु हुँदै नेपाल समाचारपत्रमा लामो समय काम गरेका पत्रकार पौडेल पछिल्लो समय विराटनगरबाट प्रसारण हुने मकालु टेलिभिजनमा समाचार सम्पादकका रुपमा कार्यरत छन्। उनी अध्यापनमा पनि संलग्न छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।