काठमाडौं– नेपाली कांग्रेसका नेता डा शेखर कोइरालाले नेपाल कम्युनिस्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले ऐतिहासिक व्यक्ति गिरिजाप्रसाद कोइरालालाई हिलो छ्याप्ने दुष्प्रयास गरेको बताएका छन्।
बिहीबार एक कार्यक्रममा बोल्ने क्रममा प्रचण्डले कांग्रेस पूर्वसभापति कोइरालाले युद्धका समयमा आक्रमण गर्न सुझाव दिने गरेको बताएका थिए। नेपाल लाइभसँग प्रतिक्रिया दिदैं कांग्रेस नेता डा कोइरालाले भने, ‘प्रचण्डको अभिव्यक्ती अत्यन्तै गैरजिम्मेवार र अराजनीतिक छ।’
तत्कालीन सात दल र माओवादीबीच भएको १२ बुँदे सहमतिमा आफू पनि सहभागी भएको उल्लेख गर्दैं नेता कोइरालाले भने, ‘म पनि १२ बुँदे सहमतिमा सहभागी भएको व्यक्ति हो, तर गिरिजाप्रसाद कोइरालाले प्रचण्डसँग कहिले पनि त्यस्तो कुरा गर्नुभएको छैन।’
गिरिजाबाबुको कद घटाउने गरी प्रचण्डको बोली आएको भन्दै उनले आपत्ति जनाए। द्वन्द्वकालीन मुद्दाबाट प्रचण्ड डराइरहेको उनकाे भनाइ छ। उन्मुक्ति पाउनकै लागि प्रचण्डको यस्तो अभिव्यक्ति आएको कोइरालाको बुझाइ छ।
उनले भने, ‘ऐतिहासिक व्यक्तित्वको छविमाथि जसरी हिलो छ्याप्ने प्रयास गरियो, यसबाट इतिहासमा प्रचण्डले ठूलो मूल्य चुकाउनुपर्छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788534241.jpg)
-1787821303.jpg)
-1786602170.png)
-1789631269.jpg)
