काठमाडौं- पूर्वप्रधानमन्त्रीद्वय माधवकुमार नेपाल र बाबुराम भट्टराईविरुद्ध ललिता निवास प्रकरणमा दायर भएको रिट प्रधानन्यायाधीश चोलेन्द्र शमशेर राणाले आफ्नै इजलाशमा पेशी तोकेका छन्।
शुक्रवार सुनुवाइका लागि आफैले तोकेको पेशीमा राणाले आफ्नै इजलाशमा पेशी तोकेका हुन्। वरिष्ठ अधिवक्ता बालकृष्ण न्यौपानेले दायर गरेको रिटमा सुनुवाइ हुँदैछ। ललिता निवास प्रकरणमा पूर्वप्रधानमन्त्रीद्वयलाई अख्तियार दुरुपयोग अनुसन्धान आयोगले उन्मुक्ती दिएकाले पुनः मुद्दा चलालने आदेशको माग गर्दै न्यौपानेले रिट दायर गरेका थिए।
रिटमा मन्त्रिपरिषद्को निर्णय नीतिगत भन्दै सार्वजनिक जग्गा व्यक्तिको बनाउन नमिल्ने भएकाले उनीहरुविरुद्ध पनि पुरक अभियोगपत्र दायर गर्न अन्तरिम आदेशको माग गरिएको छ। अख्तियारले ललिता निवास प्रकरणमा चार मन्त्रीसहित ११० जनालाई विशेष अदालतमा भ्रष्टाचार मुद्दा दायर गरेको थियो। नेपाली कांग्रेसका उपसभापति विजयकुमार गच्छादारसहित विरुद्ध मुद्दा दायर हुदाँ सोही मन्त्रिपरिषद्का प्रधानमन्त्री नेपालले उन्मुक्ती नपाउने रिटमा जिकीर गरिएको छ।
सरकारी जग्गा अनधिकृत व्यक्तिका हक र स्वामित्व स्थापित गराउने गरी सम्बन्धित मन्त्रालयको प्रस्तावअनुरूप मन्त्रिपरिषद्बाट २०६६/१२/२९, ०६७/०१/ ३१, ०६७/०४/२८ र ०६९/०६/१८ मा भएका निर्णय मन्त्रिपरिषद्बाट सामूहिकरूपमा गरेका नीतिगत निर्णय भएकाले आयोगको क्षेत्राधिकारभित्र नपर्ने अख्तियारको अभियोगपत्रमा उल्लेख छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_onKknejCDZ-1789020979.webp)
-1786602170.png)
