काठमाडाैं- नक्कली प्रहरी बनेर पैसा असुल गर्ने ३ जनालाई प्रहरीले कैलालीबाट पक्राउ गरेकाे छ।
पक्राउपर्नेमा बझाङ्गकाे खप्तडछान्ना गाउँपालिका १ घर भइ कैलालीकाे धनगढी उपमहानगरपालिका ७ मनहेरा बस्ने वर्ष ३२ का सनम भण्डारी, धनगढी उपमहानगरपालीका ५ हसनपुर बस्ने वर्ष ३५ का गौरव हमाल र कन्चनपुरकाे पुनर्वास नगरापालिका ५ घर भइ धनगढी उपमहानगरपालिका १ बस्ने वर्ष ३३ का किशन सिजापती रहेका छन्।
गत माघ २ गते धनगढी उपमहानगरपालिका ३ का चन्द्रभान शर्माले मलनचोकमा सञ्चालन गरेकाे रिक्सा, साइकल मर्मत पसलमा उनीहरुले भारतीय नम्बर प्लेटको मोटर साइकल चोरीको हो, हामी जिल्ला प्रहरी कार्यालयबाट आएका हौ, मोटर साइकल लैजान्छौ भनी धम्काइ ५ हजार रुपैयाँ मागेकाे र २ हजार ५ सय बुझाएपछि मोटरसाइकल छोडी गएको भन्दै परेकाे उजुरीकाे आधारमा प्रहरीले उनीहरुलाई पक्राउ गरेकाे हाे।
माघ २६ गते पक्राउ परेका उनीहरुमाथि अनुसन्धान सुरु भएकाे प्रहरीले जनाएकाे छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
