एजेन्सी- कोरोना भाइरसका कारण १०६ जनाको मृत्यु भएको चिनियाँ अधिकारीहरुले बताएका छन्। चीनमा याे भाइरसबाट ४ हजार भन्दा बढी मानिस सङ्क्रमित भएका छन्।
भाइरसलाई फैलिनबाट रोक्न चीनमा यातायात आवागमनमा थप कडाइ गरिएको छ। चीनका केही मुख्य सहरहरुमा सार्वजनिक यातायात बन्द गरिएका छन् र नयाँ वर्षको बिदा तीन दिन थपिएको छ।
भाइरस सुरु भएको वुहान सहर र त्यो सहर रहेको हुबे प्रान्तको अधिकांश स्थान बन्द जस्तै रहेको बीबीसीले जनाएकाे छ।
चीनभन्दा बाहिर पनि यसको सङ्क्रमण फैलिएको छ र मङ्गलवारसम्म कम्तीमा १६ देशमा ४७ सङ्क्रमणका घटना फेला परेका छन्।
चीन सरकारले आफ्ना नागरिकहरुलाई विदेश नजान आग्रह गरेको छ। अमेरिकाले पनि आफ्ना नागरिकहरुलाई चीन यात्राबारे पुर्नविचार गर्न र हुबे प्रान्तमा यात्रा नगर्न सुझाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
