एजेन्सी- चीनको कुल जनसंख्याको ६०.६ प्रतिशत सहरी क्षेत्रमा बसोबास गर्दै आएका चीनको आधिकारिक तथ्याङ्कले देखाएको छ।
तथ्याङ्कमा सन् २०१८ को तुलनामा १.२ प्रतिशतले बढेको देखिएको छ। सन् २०१९ को अन्त्यसम्ममा चीनको सहरी क्षेत्रमा कुल ८४ करोड ८४ लाख ३० हजार जनसंख्या रहेको छ भने गाउँमा ५५ करोड १६ लाख २० हजार देखिएको राष्ट्रिय तथ्याङ्क विभागले आइतबार जारी गरेकाे विज्ञप्तिमा उल्लेख गरिएको छ।
चीनको सहरी जनसंख्यामा अघिल्लो वर्षभन्दा एक करोड ७० लाख बढेको छ भने गाउँको जनसंख्या एक करोड २० लाख ३९ हजार घटेको विभागले बताएको छ।
चीनको मध्य तथा पश्चिमी क्षेत्रमा गाउँबाट सहर पस्ने दर अत्यधिक रहेको छ भने यो दर पूर्वी तथा उत्तरी क्षेत्रमा तुलनात्मकरूपमा घटेको छ। चीनले भौगोलिक विकटताका कारण गरिबीको रेखामूनि बाँच्न बाध्य आफ्ना नागरिकलाई पछिल्ला केही वर्ष यता एकिकृत वस्ती निर्माण गर्ने र आधारभूत सार्वजनिक सेवा र सामाजिक सुरक्षाको प्रत्याभूत गर्ने योजनाहरूमार्फत् व्यवस्थित सहरीकरणलाई प्रवर्द्धन गर्ने गरेकाे छ।
सांकेतिक तस्बिर
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
