काठमाडौं- एक साता लामो नेपाल भ्रमणमा रहेकी बेल्जियमकी राजकुमारी एस्ट्रिडले परराष्ट्रमन्त्री प्रदीप ज्ञवालीसँग भेट गरेकी छन्।
आइतबार एस्ट्रिड र मन्त्री ज्ञवालीबीच भेटवार्ता भएको हो।
बेल्जियमको स्वास्थ्यसम्बन्धी काम गर्ने गैरसरकारी संस्था डामियनको कार्यक्रममा सहभागी हुन नेपाल आएकी एस्ट्रिडको सम्मानमा मन्त्री ज्ञवालीले रात्रीभोजको आयोजना गरेका थिए। एस्ट्रिड डामियनको मानार्थ अध्यक्ष समेत हुन्।
नेपालमा रहँदा उनले राष्ट्रपति विद्या भण्डारी, स्वास्थ्य मन्त्री भानुभक्त ढकालसँग भेटवर्ता गर्ने कार्यक्रम तय गरिएको छ।
एस्ट्रिड बेल्जियमका राजा फिलिपेकी कान्छी बहिनी हुन्।
कैलाली, नवलपरासी,चितवनलगायतका जिल्ला भ्रमण गर्ने एस्ट्रिडले कैलालीमा क्षयरोग केन्द्र उद्घाटन समारोहमा सहभागी हुनेछन्। त्यस्तै उनले क्षयरोगका बिरामी पनि भेट्नेछिन्। त्यस्तै नवलपरासीको मध्यबिन्दु अस्पतालको पनि उनले भ्रमण गर्ने बताइएको छ।
राजकुमारी एस्ट्रिड माघ ९ गते स्वदेश फर्किने कार्यतालिका छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772193271.png)
-1764146706.png)
