युएई- बंगलादेशकी प्रधानमन्त्री शेष हसिनाले भारतले ल्याएको नागरिकता कानुन अनावश्यक भएको बताएकी छन्।
यूएईको भ्रमणमा रहेकी हसिनाले स्थानीय समाचार संस्था गल्फ न्युजसँग कुरा गर्दै यस्तो बताएकी हुन्।
‘हामीले बझुेका छैनौं, किन भारतले यस्तो कानुन ल्यायो,’ उनले भनेकी छिन्, ‘यो अनावश्यक थियो।’
गत डिसेम्बरमा भारतले उक्त कानुन ल्याए यता बंगलादेशी प्रधानमन्त्रीको यो पहिलो वक्तव्य हो।
भारतले ल्याएको नयाँ कानुनअनुसार बंगालदेश, अफागानिस्तान र पाकिस्तानका हिन्दू, बौद्ध, शिख, क्रिश्चियनलगायतका त्यहाँका अल्पसंख्यकलाई सजिलै कानुन भारतको नागरिकता प्रदान गरिने छ।
हसिनाको सरकारले आफ्नो देशका अल्पसंख्यक हिन्दू समुदायले देश नछाडेको बरु भारतमै अल्पसंख्यकले धेरै समस्याको समाना गर्नु परेको बताउने गरेको छ।
भारतले ल्याएको नागरिकता कानुनप्रति असन्तुष्टि जनाउँदै बंगलादेशले भारतसँगका धेरै उच्चस्तरीय भेटवार्ता रद्द गरेको छ।
बंगलादेशका विदेश मन्त्री ए के अब्दुल मोमेन र गृहमन्त्री अस्डुजामन खानले भारत भ्रमण रद्द गरेका थिए।
त्यस्तै विदेश राज्यमन्त्री शहरिर आलमले भारतले आयोजना गरेको ‘राइसिना डायलग’लाई सम्बोधन गर्न जाने कार्यक्रम अन्तिम समयमा आएर रद्द गरेका थिए। (फाइल तस्बिर)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
