सोलुखुम्बु- सोलुखुम्बु जिल्ला दूधकुण्ड नगरपालिका-११ तिङ्लामा प्रहरीले केही राउन्ड हवाइ फायर गर्नुका साथै अश्रुग्यास समेत प्रहार गरेको छ।
तिङ्लाबासीले राष्ट्रिय विद्युत प्रसारण लाइनमा जोड्न कार्यक्रममा अवरोध गर्न खोजेपछि प्रहरीले त्यसलाई नियन्त्रणमा लिन हवाइ फायर तथा अश्रुग्यास प्रहार गरेको हो।
प्रहरीले भिड नियन्त्रणमा लिन खोज्दा केही प्रदर्शनकारी घाइतेसमेत भएका छन्। यस्तै प्रदर्शनकारीले केही मोटरसाइकल र एउटा जीपमा आगजनीसमेत गरेका प्रहरीले जनाएको छ।
तिङ्लाको लाम्मानेमा बनेको ३३ केभी प्रसारणलाइन केन्द्रीय प्रसारणलाइनमा जोड्न शनिबार पत्तालेमा कार्यक्रम राखिएको थियो। तिङ्लाबासीले त्यसको विरोध जनाएका थिए।
सोलु दूधकुण्ड नगरपालिका-११, तिङ्लामा विद्युतीकरण नगरी कार्यक्रम राखिएकोमा उनीहरुले विरोध जनाएका हुन्।
पत्तालेमा हुन लागेको कार्यक्रममा सहभागी हुन सदरमुकाम सल्लेरीबाट गएको टोलीलाई रोक्ने क्रममा ढुङ्गामुडा गरेका थिए।
स्थिति नियन्त्रणमा लिन प्रहरीले हवाई फायर र अश्रु ग्याँस प्रहार गरेको थियो।
तिङ्लावासीको विरोधपछि प्रसारण लाइन उद्घाटन कार्यक्रम भने स्थगित भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791388337.png)
