काठमाडौं- समाजवादी पार्टी नेपाल सरकारबाट बाहिरिएको छ।
मंगलबार पार्टीबाट सहभागी दुवै मन्त्रीले पदबाट राजीनामा दिएपछि पार्टी सरकारबाट विधिवत् रुपमा बाहिरिएको हो।
पार्टीका तर्फबाट अध्यक्ष उपेन्द्र यादव र नेता मो इस्तियाक राई सरकारमा सहभागी थिए।
उपप्रधान तथा कानुन मन्त्री रहेका यादव र सहरी विकासमन्त्रीको जिम्मेवारी सम्हालेका मोहम्मद इस्तियाक राईले मन्त्री पदबाट राजीनामा दिएका हुन्।
मंगलबार दुवै जनाले प्रधानमन्त्री केपी शर्मा ओलीसमक्ष पदबाट राजीनामा दिएको पत्र बुझाएका हुन्।
पार्टी अध्यक्ष यादवले दिएको राजीनामापत्र
.jpg)
पार्टीले आफ्नो पार्टीसँग भएको सहमति अनुसार संविधान संसोधन गर्ने सहमति पालना नभएको आरोप लगाएको छ।
अध्यक्ष यादवले सोमबारको मन्त्रिपरिषद् बैठकमा संविधान संशोधनका लागि विज्ञ समूह गठन गर्ने प्रस्ताव गरेका थिए।
यादवले यस्तो प्रस्ताव गरेपछि प्रधानमन्त्री केपी शर्मा ओली र उनीबीच बैठकमा चर्काचर्की भएको थियो।
यादवले पहिचानमा आधारित संघीय प्रणाली, पूर्ण समानुपातिक निर्वाचन प्रणाली, शासकीय स्वरुप, समानुपातिक समावेशिता, संघ, प्रदेश र स्थानीय तहको क्षेत्रअधिकारलगायतका विषयमा संविधान संसोधनका लागि अध्ययन गर्न ५ सदस्यीय विज्ञ समिति गठन गर्न प्रस्ताव गरेका छन्।
तर यसपछि भने पार्टीले सरकारबाट बाहिरिएको हो।
पार्टीका नेता राईले बुझाएको राजीनामा पत्र
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
