काठमाडौं- श्रृंखलाबद्ध प्रस्तुति लिएर लोकरक ब्याण्ड नेपथ्यले अष्ट्रेलियाको सांगीतिक यात्रा गर्ने भएको छ।
नेपथ्यले केही वर्षयता लगातार श्रृंखलाबद्ध प्रस्तुति लिएर मुलुकको यात्रा गर्दै आएको छ। सन् २००९ बाट सुरु भएको यात्राको यो चौथो श्रृंखला हो। यसपटक नेपथ्यको भ्रमण टोलीमा ६ जना ब्याण्डका सदस्य हुनेछन् भने प्राविधिक एवम् व्यवस्थापन गरेर १२ सदस्यीय समूह रहनेछ।
यो वर्षको पहिलो नेपथ्य कन्सर्ट भने क्विन्सल्याण्ड राज्यको राजधानी ब्रिसबेनमा आयोजित हुनेछ। त्यहाँस्थित फोर्टिच्यूड म्यूजिक हलमा नोभेम्बर १९ तारिखका दिन नेपाली लोकरकको चीरपरिचित स्वर नेपथ्यले गुञ्जाउनेछ।
ब्रिसबेनपछि नेपथ्यले उत्तरतर्फको डार्बिनमा नोभेम्बर २२ तारिखका दिन, एडिलेडमा डिसेम्बर ३, होबार्टमा डिसेम्बर ८ तारिख, सिड्नीमा डिसेम्बर १४ प्रस्तुती दिएपछि अन्तिम प्रस्तुतिको लागि मेलवर्न पुग्नेछ।
यस यात्राको अन्तिम कार्यक्रम मेलवर्नमा डिसेम्बर २३ का दिन आयोजना हुनेछ। नेपथ्यको यस वर्षको यात्रा संयोजन ‘नेपाली टच’ले गर्न लागेको हो।
अष्ट्रेलियास्थित नेपाली टचको संयोजनमा नेपथ्यको कार्यक्रमहरूको स्थानीय आयोजना ब्रिसवेनमा माउन्ट ८८४८ इभेन्ट, डार्विनमा गोर्खा पल्टन, एडिलेडमा गिरिश एंड ३ केजी इभेन्ट, होवार्टमा ताज इभेन्ट र मेलवर्नमा नेप्ले इभेन्टले गर्नेछ भने सिड्नीको आयोजना नेपाली टच आफैंले गर्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
