काठमाडौं– नेपाली कांग्रेसको भ्रातृ संस्था नेपाल विद्यार्थी संघको तदर्थ समिति यसै साताभित्र टुंगो लगाउने कांग्रेस सभापति शेरबहादुर देउवाले तयारी गरेका छन्।
आइतबार शीर्ष तहका नेताको बैठक बोलाएर संघको अध्यक्षमा राजीव ढुगांनाको नाम अघि सारेका देउवाले बिहीबारअघि नै ढुंगानालाई अध्यक्ष बनाउने बताइएको छ। वरिष्ठ नेता रामचन्द्र पौडेलले ११ औं महाधिवेशनमा अध्यक्षमा पराजित उम्मेदवार मनोजमणि आचार्यलाई अध्यक्षको जिम्मेवारी प्रदान गर्न माग गरेका छन्।
नेता कृष्णप्रसाद सिटौला समूहले ३२ वर्ष उमेर माथिको अध्यक्ष भए समानान्तर कार्यसमिति बनाउने चेतावनी दिएको छ। पूर्व महामन्त्री कुन्दनराज काफ्लले भने, ‘३२ वर्ष माथिको कार्यसमिति मान्य हुँदैन। उमेर हद कायम नगरे नेविसंघमा समानान्तर कार्यसमिति बन्छ।’ तदर्थ समितिमा आफू नबस्ने उनले प्रष्ट्याए।
पार्टी सभापति देउवाले संघको अध्यक्षमा अघि सारेका ढुंगानाले बिहीबारसम्म टुंगो लाग्ने जानकारी पाएको बताए। पार्टी महामन्त्री डा प्रकाशशरण महतले वरिष्ठ पौडेल पक्षकै कारण नेविसंघको तदर्थ समिति नबनेको आरोप लगाए।
नेता पौडेल पक्षका विद्यार्थी नेता मनोजमणि आचार्यले शीर्ष तहका नेताबीच भएको सहमति स्विकार्ने बताए। उनले भने, 'असहमतिका बीच ढुंगानालाई अध्यक्ष बनाए हामी पनि नयाँ रणनीति तय गर्छौं।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
