लन्डन- बेलायतका प्रधानमन्त्रीले युरोपेली युनियन (इयू)सँग गत बिहीबार गरेको सहमति संसद्बाट पारित हुन नसकेको अधिकारीहरूले बताएका छन्।
प्रधानमन्त्री जोन्सनको प्रस्ताव पारित हुन झिनो मतले नपुग्ने भनी बेलायती सञ्चार माध्यमले गरेको अनुमानअनुरूप नै प्रधानमन्त्रीको प्रस्ताव मात्रै १६ मतले पराजित भएको हो।
ब्रेक्जिटको सीमा बढाउने प्रस्तावको पक्षमा ३ सय २२ र प्रधानमन्त्री जोन्सनले प्रस्तुत गरेको बिना सम्झौता बेलायत इयूबाट बाहिरिने प्रस्तावको पक्षमा ३ सय ६ मत परेको एक अधिकारीले बताए।
विकल्पमा यहाँका सांसदहरुले ब्रेक्जिटको समय पछि सार्ने पक्षमा मत दिएका छन्। बेलायतले यस प्रावधानका लागि पहिले नै कानुनको व्यवस्था गरेको थियो।
बेलायतको हाउस अफ कमन्समा प्रधानमन्त्री बोरिस जोन्सनले बिना सम्झौता अक्टोबर ३१ मा बेलायत युरोपियन युनियनबाट बाहिरिनेसम्बन्धी प्रस्ताव पेस गरेका थिए भने प्रस्तावको विकल्पमा ब्रेक्जिट प्रक्रियालाई केही पछि सार्नुपर्ने सुझाव थियो।
संसद्मा भएको शनिबारको मतदानले प्रधानमन्त्रीलाई महत्वपूर्ण धक्का दिएको छ। यद्यपि संसद्बाट पराजित भए पनि प्रधानमन्त्री जोन्सनले आफ्नो ब्रेक्जिटबारेको रणनीतिबाट नडगमगाउने बताएका छन्। रासस/एएफपी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1785652949.png)
-1764146706.png)
