काठमाडौं- नेपाली कांग्रेसले आत्मबल बलियो भएको सन्देश दिने गरी यस वर्षको चियापान समापन गरेको छ।
कांग्रेसले आयोजना गरेको चियापान समारोहमा सत्तारुढ दलका नेताहरुले कांग्रेस अवस्था सुध्रिएको संकेत आफ्ना अभिव्यक्ति मार्फत दिएका थिए।
प्रत्येक वर्ष कोजाग्रत पुर्णिमामा हुँदै आएको चियापानलाई निरन्तरता दिने क्रममा बोलेका सत्तारुढ दलका नेताले कांग्रेससँग सहकार्य जारी रहने बताए।
करिब १५ मिनेट कार्यक्रम स्थलमा रहेका प्रधानमन्त्री केपी शर्मा ओलीले चाडपर्वहरुले मतभेद घटाउन सघाउ पुर्याउने बताए।
उनले भने,‘कांग्रेससँग मतभेद भएपनि यस्तै चाडवाडले घटाइदिन्छन्। कांग्रेस सभापति शेरबहादुर देउवा र वरिष्ठ नेता रामचन्द्र पौडेलसँग लोकतन्त्र प्राप्तिका लागि ४५ वर्ष देखि सहकार्य गरिरहेको स्मरण गरे।
चियापानको कार्यक्रम नेपाली कांग्रेसबाटै भएको स्मरण गर्दै अर्का अध्यक्ष प्रचण्डले राष्ट्रिय संस्कृतिकै रुपमा स्थापित भएको बताए।
.jpg)
कांग्रेसको आत्मबल बढ्दै गएको छनक पाएका प्रचण्डले भने,‘आत्मबल बढ्दै गएको महसुस गरें।राजनीति यस्तै नै हो। राजनीतिमा असम्भव भन्ने केही हुँदैन। हेर्दै जाऔं,राजनीतिले आउने दिनमा कसरी कोल्टो फेर्दै जान्छ।’
विगतका वर्षहरुमा भन्दा चियापानलाई व्यवस्थित बनाउन प्रयास गरिएको थियो।
कांग्रेसका पदाधिकारीहरुले शीर्ष तहका नेतालाई स्वागत गरिसकेपछि मञ्चमा बोल्न समय दिइएको थियो। नेकपा नेता तथा पूर्व प्रधानमन्त्री माधव नेपालले व्यवस्थापन बारे भने,‘कांग्रेसले व्यवस्थापन कम्युनिस्टसँग सिकेछ। राम्रै कुरा भयो।’
समारोहमा बोल्ने अधिकांश नेताले शुभकामना आदानप्रदान र कांग्रेसको आयोजनालाई धन्यवाद दिनमै समय खर्चिए।
केही नेताले चिनियाँ राष्ट्रपतिको भ्रमणले नेपालको हित भएको बताए। समाजवादी पार्टीका अध्यक्ष वाबुराम भट्टराईले फरक प्रंसगमा बोल्दै सभामुख र उपसभामुख मध्येबाट एक जना विपक्षी दललाई दिनै पर्ने अडान राखे।
नेकपाका नेताहरु चियापानमा ओइरिएका थिए।
चियापानमा प्रधानमन्त्री तथा नेकपा अध्यक्ष ओली सहित नेकपाका सचिवालयका सदस्यहरु पुगेका थिए।
अध्यक्ष पुष्पकमल दाहाल,पूर्व प्रधानद्वय झलनाथ खनाल, माधव कुमार नेपाल, प्रस्तावित उपाध्यक्ष वामदेव गौतम,पार्टी प्रवक्ता नारायणकाजी श्रेष्ठ,गृहमन्त्री रामबहादुर थापा, रक्षामन्त्री इश्वर पोखरेल कांग्रेसको चियापानमा पुगेका थिए।
पार्टी महासचिव विष्णु पौडेल भने चियापानमा देखिएनन्।
(2).jpg)
नेकपाका नेताहरुको लर्को लागेको चियापानमा स्थायी समितिका अन्य सदस्य तथा मन्त्रीहरु पनि पुगेका थिए।
परराष्ट्रमन्त्री प्रदीप ज्ञवाली,कानुनमन्त्री भानुभक्त ढकाल पनि चियापानमा सहभागी भए।
नेताहरु सुवासचन्द्र नेम्वाङ,पम्फा भुसाल पनि कांग्रेसको चियापानमा पुगेका थिए। अन्य दलबाट समाजवादीका अध्यक्ष बाबुराम भट्टराई,राजपा अध्यक्षमण्डलका महन्थ ठाकुर, राप्रपा अध्यक्ष कमल थापा, मालेका अध्यक्ष सिपी मैनाली पनि चियापानमा सहभागी भए।
केन्द्रीय कार्यालयको पश्चिमतिरबाट आगन्तुकका लागि प्रवेशद्धार निर्माण गरिएको थियो।
कांग्रेस कार्यकर्ता, भ्रातृ संस्थाका पदाधिकारी हुँदै अन्तिम पार्टी पदाधिकारीहरुले आगन्तुकलाई स्वागत गरेका थिए।
सभापति देउवा,वरिष्ठ नेता पौडेल,उपसभापतिद्धय विमलेन्द्र निधि र विजय गच्छदार, महामन्त्री पुर्ण बहादुर खड्का,सह महामन्त्री डा प्रकाशशरण महत र कोषाध्यक्ष सीता देवी यादव उठेर आगन्तुकलाई स्वागत गरिरहेका थिए। तर, महामन्त्री डा शशांक कोइराला भने पहिलो ‘रो’मा उभिएनन्।
(2).jpg)
तरुण दलका कार्यकर्ताले स्वयंसेवकको भुमिका निर्वाह गरिरहेका थिए।
चियापानकै क्रममा एक साइडमा रक्तदानको कार्यक्रम पनि जारी रहेको थियो।
पकौडा र जेरी एक-एक,केही नमकिन र चिया आगन्तुकका लागि तयार गरिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1792292945.webp)
-1786602170.png)
